Nda Guh YiebdaeuzYolouz RoengzdaeujAen Saenqsieng Bouxbien
YiebdaeuzYinzminzvangjSawmungzgujSawcangqcuzSawveizvuzwjSawhahsazgwzSawcauzsenhSawyizcuz

AEN DANGJ CAEUQ GUEKGYA MINZCUZ CWNGCWZ SENHCONZ GYAUYUZ DAEZGANG 3

  
【Cihsaw Hung’iq : hung rauh iq】  Dajyaenq
      
  11. Saedyienh gak minzcuz doengzcaez mwnhoengh, dwg aen dangj raeuz youq minzcuz cwngcwz fuengmienh aen laebciengz goekgaen ndeu. Aeu laebmaenh caeuq cienzmienh lozsiz gohyoz fazcanjgvanh, saedcaih ca ndei fazcanj —— aen dangj raeuz youq gaemgienz hwng guek ndawde hangh hongsaeh youqgaenj daih’it neix, lai siengj banhfap, gyavaiq siujsoq minzcuz caeuq giz dieg siujsoq minzcuz ginghci ndawbiengz fazcanj, gawq aeu cuengq cienzngaenz roengzbae engq lai, youh aeu hawj gij cwngcwz engq youhvei dem; gawq aeu bang gyoengqde dawz ginghci gauj hwnjbae, youh aeu bang gyoengqde fazcanj gak hangh ndawbiengz saehnieb; gawq aeu laebdaeb fazveih gij cujdauj cozyungh cunghyangh cwngfuj, youh aeu genhciz ca ndei gak dieg gak bouhmonz guh gapdoih bangcoengh. Doenggvaq gak fuengmienh roengzrengz, mboujduenh daezsang gij swnghhoz suijbingz gyoengq vunzlai gak aen minzcuz, mboujduenh daezsang gij cungjdaej suciz gak aen minzcuz.

  Vihliux coicaenh gak minzcuz doengzcaez mwnhoengh, dangj caeuq guekgya ceiqdingh okdaiz le baenz gyoengq cwngcwz cosih hungnaek. Guekgya youq hwnqguh giekdaej sezsih fuengmienh lai bienyiengq giz dieg siujsoq minzcuz. Cunghyangh caizcwngsing hwnqguh swhginh、gizyawz cienhangh hwnqguh swhginh caeuq cwngcwzsing ngaenzhangz daigvanj, habdangq gyalai yungh haeuj hwnqguh gij giekdaej sezsih giz dieg siujsoq minzcuz bae. Doengh gij giekdaej sezsih hwnqguh hanghmoeg guekgya anbaiz haenx, danghnaeuz aeu hawj giz dieg siujsoq minzcuz ok boiqdauq swhginh, habdangq gyangqdaemq aen beijlaeh boiqdauq swhginh; doiq doengh aen guekgya banggungz haifat cungdenj yienh giz dieg siujsoq minzcuz, mienx ok boiqdauq swhginh. Guekgya youq caizcwng、ginhyungz cwngcwz fuengmienh lai ciuqgoq giz dieg siujsoq minzcuz. Doengh aen caizcwng gaepgwnz, bangcoengh gij caizcwng giz dieg siujsoq minzcuz baujcwng dangjcwng gihgvanh cingqciengz yinhcienj、gij vunz youz caizcwng ciengx haenx gunghswh ciuqseiz cuksoq fathawj caeuq giekdaej gyauyuz cingqciengz ginghfei ceiok. Doiq doengh aen giyez gauj minzcuz mouyiz caeuq dinghdiemj swnghcanj gij sanghbinj minzcuz daegbied aeu yungh haenx, saedhengz riuzdoengh swhginh daigvanj youhvei leihsik bijliz、gisuz gaijcauh daigvanj caizcwng diep leihsik hawj caeuq suisouh gemjmienx daengj sam hangh cwngcwz ciuqgoq.

  Guekgya laeb swnghdai hwnqguh caeuq vanzging baujhoh bujcangz gihci, bae baujcang gij leih’ik hableix giz dieg siujsoq minzcuz. Hableix dienzbouj doengh giz dieg siujsoq minzcuz youq laeb swhyienz baujhugih、swnghdai gunghnwngz baujhugih youqgaenj caeuq hwnqguh swnghdai vanzging daengj fuengmienh guh’ok gung’yen haenx. Mwh youq giz dieg siujsoq minzcuz haifat swhyenz, coengz boiqdauq canjnieb、ndawbiengz fuzvu hangznieb、lauzdung yunghgoeng daengj fuengmienh lai hawj ciuqgoq. Guekgya youq banggungz cwngcwz fuengmienh lai ciuqgoq giz dieg siujsoq minzcuz. Sien dawz gij mbanj gungzhoj doengh giz dieg siujsoq minzcuz daegbied gungzhoj haenx, lied haeuj aen banggungz haifat gveihva youz guekgya daengx mbanj doicaenh haenx, dawz gij vunz siujsoq minzcuz gungzhoj swnghhoz youq giz dieg nanz ciengx mingh de, senj daengz giz dieg diuzgienh haemq ndei bae. Guekgya saedhengz bangfuz doengh aen minzcuz vunz haemq noix haenx fazcanj、gij hengzdoengh hwng henzguek fouq beksingq、gij saehnieb siujsoq minzcuz daengj doengh gij cienhangh gveihva neix, bae gyavaiq siujsoq minzcuz caeuq giz dieg siujsoq minzcuz fazcanj.

  Guekgya bangcoengh siujsoq minzcuz caeuq giz dieg siujsoq minzcuz fazcanj gyauyuz saehnieb, hwngbanh minzcuz yenyau caeuq minzcuz cunghyoz、siujyoz, yungh “song cungj vah” bae sonhag, youq neidi banh gak cungj minzcuzbanh、yigohbanh, saedhengz aen giva vih siujsoq minzcuz gungganq gij guzgan vunzcaiz cwngzsw sang. Guekgya bangcoengh siujsoq minzcuz caeuq giz dieg siujsoq minzcuz fazcanj vwnzva saehnieb, laeb cienmonz minzcuz vwnzva gunghcoz gihgou, doiq hwnqguh gij vwnzva giekdaej sezsih douzswh caeuq gij vwnzva saehnieb giz dieg siujsoq minzcuz saedhengz ginghfei danlied, saedhengz “hangh gunghcwngz mbanjmbanj doeng gvangjbo densi”、“hangh gunghcwngz youq henzguek hwnqguh fanh leix vwnzva cangzlangz”、“hangh gunghcwngz caezcaemh yiengjyungh vwnzva swhyenz”、“hangh gunghcwngz youq lajmbanj ingj denyingj”、“fanh mbanj laeb cangsaw” daengj, bangfuz doengh gij vah caeuq cihsaw siujsoq minzcuz seiqdaih doeng’yungh doxcienz haenx saedyienh sinsizva caeuq sinhvwnz okbanj、gvangjbo denyingj densi、fanhoiz, baujhoh gij vwnzva yizcanj siujsoq minzcuz, cingjleix、okbanj gij saw ciuhgeq siujsoq minzcuz.

  Guekgya bangcoengh siujsoq minzcuz caeuq giz dieg siujsoq minzcuz fazcanj yihliuz veiswngh saehnieb, lai bued cienz bae fuengzyw gij binghdeihfueng caeuq binghlah giz dieg siujsoq minzcuz, youq doengh aen swcigih gagguenj caeuq doengh aen sengj siujsoq minzcuz haemq lai haenx banh yihyoz yenyau roxnaeuz banh minzcuzbanh, cujciz ligliengh bae gapdoih bangcoengh gungganq aen veiswngh guzgan duivuj giz dieg siujsoq minzcuz, bangfuz hwnqguh minzcuz yihyoz gihdi、hwnqguh duivuj caeuq haifat leihyungh. Guekgya youq mwh caephengz gij cwngcwz giva senglwg, doiq siujsoq minzcuz habdangq cuengqsoeng iugouz, aen gihgvanh gagguenj giz dieg siujsoq minzcuz ndaej gaengawq faplwd gvidingh, giethab gij saedsaeh cingzgvang bonjdieg, ceiqdingh banhfap bae saedhengz giva senglwg.

  12. Gyoengq ganbu siujsoq minzcuz dwg aen dangj caeuq guekgya ganbu duivuj ndawde aen gapbaenz boufaenh youqgaenj ndeu, gyoengqde couh lumj diuz giuz caeuq diuz sai youqgaenj, aen dangj caeuq cwngfuj aeu doenggvaq gyoengqde bae lienzhaeh gyoengq cungqvunz siujsoq minzcuz. Gungganq genjleh daezswng gyoengq ganbu siujsoq minzcuz, dwg bouh geiz ceiq youqgaenj bae gaijgez minzcuz vwndiz, dwg gienh daihsaeh guenj daengz goekgaen、 guenj bae gyaeraez ndeu. Doiq gyoengq ganbu siujsoq minzcuz, aeu daihlig gungganq、daihdamj genjleh daezswng、cungfaen saenqnyaemh、cuengqfwngz sawjyungh. Aeu gyagiengz gungganq caeuq guenjleix gyoengq ganbu siujsoq minzcuz, genjleh daezswng daihbuek siujsoq minzcuz ganbu maenhndei, bae dangnyaemh gak gaep lingjdauj cizvu. Aeu youq ndaw gyoengq ganbu giz dieg siujsoq minzcuz haeujlaeg bae guh aigozcujyi gyauyuz, sawj aigozcujyi maenhmaenh cap youq ndaw sim gyoengq ganbu gak aen minzcuz, dazyinx gyoengqde laebhwnj yiengh sigaigvanh、yinzswnghgvanh、gyacizgvanh cingqdeng, mboujduenh lai gagrox caeuq giendingh bae henhoh guekcoj doengjit dem minzcuz doxgiet. Doiq gak aen minzcuz gyoengq ganbu youq doengh giz dieg ganhoj bien’gyae caeuq diuzgienh gunnanz guh gunghcoz haenx, aeu engq lai bae gvansim gyoengqde, louzsim gungganq doengh boux ganbu Bouxgun rox gij vah caeuq cihsaw aen minzcuz bonjdieg haenx. Gyoengq ganbu gak aen minzcuz giz dieg siujsoq minzcuz, cungj aeu dox hag、dox gingqcungh、dox cungfaen saenqyaemh、maedcaed doxgap guh saeh, doengzcaez vih gyavaiq giz dieg siujsoq minzcuz ginghci ndawbiengz fazcanj guh gung’yen.

  Seiq、Dawz gij minzcuz cwngcwz Aen dangj caeuq guekgya lozsiz netsaed bae

  13. Gvancez lozsiz gij minzcuz cwngcwz aen dangj caeuq guekgya, henhoh minzcuz doxgiet caeuq ndawbiengz onjdingh, dwg hangh gunghcoz youqgaenj youh cwngcising、cwngcwzsing、ginzcungsing gig giengz, nangq daengz daengxbuenz、gvanhaeh gyaeraez ndeu. Aeu gvangqlangh haeujlaeg bae guh gij seveicujyi gyauyuz miz daegsaek Cungguek, guh gij senhconz gyauyuz gvendaengz gij minzcuz cwngcwz aen dangj caeuq guekgya; gawq aeu gyauyuz siujsoq minzcuz, engq aeu gyauyuz Bouxgun; gawq aeu gyauyuz ginzcung, engq aeu gyauyuz ganbu; gawq aeu gyauyuz gyoengq ganbu itbuen, engq aeu gyauyuz gyoengq ganbu guhdaeuz. Gak gaep lingjdauj ganbu caeuq guengjdaih ginzcung aeu nyinhcaen hag gij seveicujyi lijlun dijhi miz daegsaek Cungguek, nyinhcaen hag gij minzcuz lijlun、mincuz gihbwnj cihsiz aen dangj caeuq guekgya, hag rox minzcuz cwngcwz、minzcuz faplwd fapgvi, mboujduenh gyagiengz faplwd cwngcwz gvanhnen, mboujduenh lai gagrox bae gvancez caephengz gij minzcuz cwngcwz aen dangj caeuq guekgya, mboujduenh lai roxnyinh miz cwzyin bae henhoh minzcuz doxgiet.

  14. Gij minzcuz cwngcwz aen dangj caeuq guekgya, daejyienh youq ginghci、cwngci、vwnzva、ndawbiengz daengj gak fuengmienh, ndawbiengz gak hangz gak nieb cungj aeu yiemzgek caephengz gij minzcuz cwngcwz aen dangj caeuq guekgya. Gak loih boux guh swnghcanj ginghyingz, gyaudoeng、binhgvanj、fanden、sanghden daengj doengh aen fuzvu hangznieb mbebaij cingsaenz yienghsiengq neix, caeuqlienz gyauyuz、yihliuz veiswngh、lauzdung couhnieb、hawsingz guenjleix daengj doengh aen bouhmonz caeuq gij swnghhoz cungqvunz maedcaed dox gvanlienz neix, aeu ciuqsouj faplwd fapgvi ndawde doengh gij gvidingh mizgven baujcang minzcuz bingzdaengj haenx, doiq gak aen minzcuz itlwd bingzdaengj、doengzyiengh doiqdaih, mbouj ndaej swnghcanj ginghyingz doengh gij canjbinj hamz miz yawjcuij、ujloengh siujsoq minzcuz haenx, mbouj ndaej mbouj hawj dap ci、mbouj hawj haeuj diemq、mbouj hawj gwn haeux、mbouj gai doxgaiq hawj, mbouj ndaej cimdoiq gyoengq hagseng siujsoq minzcuz gyalai loeg’aeu diuzgienh、daezsang loeg’aeu byauhcunj, mbouj ndaej yawjcuij siujsoq minzcuz ginzcung, fuengzre ok doengh gij cingzgvang sienghaih minzcuz gamjcingz、sonjhaih minzcuz doxgiet haenx.

  15. Aeu vih gvancez caephengz gij minzcuz cwngcwz aen dangj caeuq guekgya cauh ok heiqfaenh ndei. Aeu cungfaen fazveih gij cozyungh daihcungq cienzyiengz meizdij, senhconz gij minzcuz cwngcwz dem mizgven faplwd fapgvi aen dangj caeuq guekgya, senhconz aen dangj caeuq guekgya baenzlawz gvansim giz dieg siujsoq minzcuz ginghci ndawbiengz fazcanj, caeuq gvansim gij swnghcanj swnghhoz gyoengq siujsoq minzcuz, senhconz doengh gij senhcin denjhingz henhoh guekcoj doengjit、minzcuz doxgiet, caeuq gij saehndei ndaej sawj vunz gamjdoengh haenx, yungh gak cungj fuengsik youq daengx biengz daihlig cangdauj gij funghsang ndei gak aen minzcuz dox saenqnyaemh、gaenjmaed doxgiet、doxhag doxbang、doengzcaez fazcanj cinbu haenx, mboujduenh gyamaenh caeuq fazcanj gij daih doxgiet daengx guek gak cuz yinzminz.

  (Gij swhliu Yinzminzvangj)

  
[1] [2] [3]
Dozsiengq