Nda Guh YiebdaeuzYolouz RoengzdaeujAen Saenqsieng Bouxbien
YiebdaeuzYinzminzvangjSawmungzgujSawcangqcuzSawveizvuzwjSawhahsazgwzSawcauzsenhSawyizcuz

CWNGFUJ GUNGHCOZ BAUGAU 6

——2008 Nienz 3 Nyied 5 Hauh Youq Gwnz Aen Hoih Daih Cib’it Gaiq Daengx Guek Yinzminz Daibyauj Daihhoih Daih’it Baez Veiyi

Gozvuyen cungjlij  Vwnh Gyahbauj
  
【Cihsaw Hung’iq : hung rauh iq】  Dajyaenq
      
  (3) Doicaenh ginghci gezgou diuzcingj, cienjbienq fazcanj fuengsik

  Genhciz aen fuengcim gyadaih gij sihgiuz ndaw guek, diuzcingj douzswh caeuq siuhfei gvanhaeh, coicaenh ginghci demmaj daj cujyau baengh douzswh、cuzgouj ragdoengh yiengq baengh siuhfei、douzswh、cuzgouj hezdiuz ragdoengh cienjbienq. Ceiq youqgaenj dwg hableix gaemhanh guding swhcanj douzswh gveihmoz, roengzrengz youhva douzswh gezgou. Genhciz dawzyiemz aen doucab diegdeih、sindai caeuq hawciengz cinjhaeuj byauhcunj, daegbied aeu gyagiengz caeuq gveihfan guenjleix gij hanghmoeg saen haihong, yiemzgek caephengz hanghmoeg saen haihong diuzgienh. Genhgez gaemhanh gij hangznieb siuhauq nwngzyenz lai、baizcuengq uqlah lai caeuq canjnwngz lwyawz gvaqbouh haenx laepda luenh douzswh caeuq cungzfuk gensez, doiq doengh aen hangznieb deng hanhhaed fazcanj haenx, daezsang gij cinjhaeuj byauhcunj caeuq hanghmoeg swhbwnjginh beijlaeh. Gij gensez hanghmoeg famh fap famh gvidingh haenx aeu genhgez dingz guh. Gyadaih ligdoh bae cihciz ginghci ndawbiengz fazcanj buegnyieg vanzcez、cungdenj lingjyiz caeuq fueng dieg cungqgyang dem fueng dieg baihsae. Coengzyiemz gaemhanh saen dem gensez yungh dieg daegbied dwg gunghyez yungh dieg, bineix diegdeih leihyungh giva cungjgveihmoz gaemhanh youq aen suijbingz bi’gvaq. Aeu hab’wngq hingzsi moq、cingzgvang moq, gyagiengz caeuq gaijcaenh doiq daengx biengz gak cungj douzswh hozdung guh dazyinx、diuzgung caeuq gamguenj.

  Genhciz dawz doicaenh gag cauhmoq dangguh aen cungsim vanzcez cienjbienq fazcanj fuengsik. Aeu nyinhcaen lozsiz guekgya cunggeiz ciengzgeiz gohyoz caeuq gisuz fazcanj gveihva ganghyau, cienzmienh haidoengh caeuq cujciz saedhengz feihgih hung、gaemhanh caeuq ceihleix raemx uqlah、youzdenz gidenz hung caeuq heiq meizcaengz haifat daengj guekgya cienhangh hungnaek. Saedhengz gihcuj yenzgiu、gauhgisuz yenzgiu caeuq gohgi daemxcengj giva. Roengzrengz gung roengz gij giceh yungh nwngzyenz moq、gauhsuz gveijdau gyaudoeng、gij gunghyez nungzyez mbaet yungh raemx daengj buek gvanhgen gisuz hungnaek ndeu. Doicaenh guekgya cauhmoq dijhi gensez, cungdenj gensez buek guekgya sizyensiz、guekgya gunghcwngz cungsim、gij cauhmoq daemxcengj bingzdaiz caeuq giyez gisuz cungsim najyiengq giyez haenx, gyagiengz gohgi gihcuj naengzlig gensez. Haeujlaeg guh gohgi guenjleix dijci gaijgwz, dungjcouz caeuq youhva gohgi swhyenz boiqbaij. Bineix cunghyangh caizcwng yaek anbaiz gohgi ceiok 1134 ik maenz, beij bigonq demgya 134 ik maenz. Laeb caezcienz caeuq lozsiz gij cwngcwz cihciz gag cauhmoq, cungfaen fazveih giyez gij cozyungh dangguh aen cawjdaej guh gisuz cauhmoq de, gujli、dazyinx giyez demgya yenzgiu haifat douzhaeuj. Doicaenh swnghcanj sonhag yenzgiu dox giethab, gungganq yiengh giyez ak cauhmoq. Gyadaih ligdoh bae cihciz cwngfuj caijgou lai cawx doengh gij canjbinj gag cauhmoq haenx. Gya’gvangq cauhnieb fung’yiemj douzswh sawqdiemj fanveiz. Saedhengz cihsiz canjgenz canloz. Gyagiengz gozci gohgi hozcoz.

  Doicaenh canjnieb gezgou youhva swnggaep. Genhciz byaij diuz roen gunghyezva yienghmoq miz daegsaek Cungguek, doicaenh sinsizva caeuq gunghyezva yungzhab. Roengzrengz fazcanj gauhsinh gisuz canjnieb, daihlig saenqhwng canghbei ceiqcauh hangznieb, gaijcauh caeuq daezswng conzdungj canjnieb, gyavaiq fazcanj fuzvu hangznieb daegbied dwg yienhdaih fuzvu hangznieb. Laebdaeb saedhengz gij yenjsigi yienghmoq、gvanhdai doengsaenq caeuq vangjloz、swnghvuz yihyoz daengj buek gauhgisuz canjyezva cienhangh hungnaek ndeu. Cungfaen fazveih gij ropconz、dazroen caeuq fuzse cozyungh guekgya gauhsinh gisuz gaihfazgih. Hopheux dahingz cinghseuq gauhyau fatdienh canghbei、gauhdang sugung gihcangz caeuq gihcuj ceiqcauh canghbei daengj gvanhgen lingjyiz, doicaenh gag yenzgiu haifat caeuq youq ndaw guek gag cauh gij canghbei hungnaek dem gij lingzbugen caeuq yenzgigen gvanhgen haenx. Gyagiengz diciz gunghcoz, daezsang swhyenz damqcaz haifat suijbingz. Cizgiz fazcanj yienhdaih nwngzyenz yienzliuh caizliuh canjnieb caeuq gyoebhab daehyinh dijhi.

  Coicaenh gihyiz hezdiuz fazcanj. Haeujlaeg doicaenh fueng dieg baihsae daih haifat, haigoeng guh buek cungdenj gunghcwngz ndeu, cihciz cungdenj digih yousien haifat. Laebdaeb baujhoh ndei gij ndoengfaex sengcingz、fuengz sa ceih sa、ceihleix gij dieg bienq rin bienq req, lozsiz doiq reih fuk ndoeng gij cwngcwz ronhlaeng de. Cujciz saedhengz fueng dieg doengbaek saenqhwng gveihva, cihciz senhcin canghbei ceiqcauh hangznieb、yienhdaih nungzyez fazcanj caeuq giz dieg swhyenz aeu raeg haenx guh ginghci cienjhingz. Bienguh caeuq saedhengz gij gveihva coicaenh fueng dieg cungqgyang hwnghwnj haenx, lozsiz caemhcaiq laeb caezcienz mizgven cwngcwz. Gujli fueng dieg baihdoeng fazcanj bae gaxgonq, roengzrengz daezswng gozci gingcwngh naengzlig. Caenh’itbouh gyadaih ligdoh bae bangfuz giz dieg gwzming laujgih、giz dieg siujsoq minzcuz、giz dieg henzguek、giz dieg gungzhoj fazcanj. Ceiqdingh caemhcaiq saedhengz cujdij gunghnwngzgih gveihva caeuq cwngcwz.

  (4) Gyadaih gij ligdoh bae mbaet yungh nwngzyenz gemjnoix baizcuengq uqlah caeuq baujhoh vanzging, guhndei canjbinj caetliengh ancienz gunghcoz

  Bineix dwg bi ceiq youqgaenj bae guhbaenz aen muzbyauh hanhhaed mbaet yungh nwngzyenz gemjnoix baizcuengq uqlah ndaw “11•5” gveihva gvidingh haenx, bietdingh aeu lai roxnyinh gaenjgip, gyadaih goengrengz bae gunghoenx doengh bouh ceiq hojnanz haenx, caenhrengz ceng’aeu cingzyauq engq daih. It dwg lozsiz denliz、gangdiet、suijniz、meizdan、cauhceij daengj hangznieb aen giva raengcawz gij swnghcanj naengzlig doeklaeng de. Laebhwnj gij swnghcanj naengzlig doeklaeng raengcawz doiqok gihci, laeb caezcienz caeuq lozsiz giyez dingzbanh boiqdauq cwngcwz cosih. Doengzseiz, ciuq gveihva bae gyagiengz gensez gij senhcin swnghcanj naengzlig doengh aen hangznieb neix. Ngeih dwg ca’ndei cungdenj giyez mbaet yungh nwngzyenz caeuq cungdenj gunghcwngz gensez. Gyavaiq hwnqguh cib daih cungdenj mbaet yungh nwngzyenz gunghcwngz. Daezsang hawsingz cawqleix raemxgyuek naengzlig, caenhrengz ceng’aeu yungh song bi seizgan youq 36 aen hawsingz hung daiqdaeuz guh daengz cienzbouh soucomz caeuq cawqleix raemxgyuek. Habdangq daezsang gij byauhcunj cienz baizcuengq uqlah、cienz cawqleix raemxgyuek caeuq cienz cawqleix nyapnyaj. Laeb caezcienz caeuq yiemzgek caephengz gencuz byauhcunj, daihlig doicaenh yungh caizliuh moq caep ciengz caeuq guh gij gencuz mbaet yungh nwngzyenz. Onjbouh doicaenh hawsingz gung raeuj dijci caeuq sicwng goeng’yungh saehnieb gaijgwz. Sam dwg haifat caeuq doigvangq doengh gij gisuz senhcin habyungh ndaej mbaet yungh、dingjlawh、cungzfuk leihyungh swhyenz caeuq cawqleix uqlah haenx, saedhengz mbaet yungh nwngzyenz gemjnoix baizcuengq uqlah hungnaek gisuz caeuq sifan gunghcwngz. Daihlig fazcanj mbaet yungh nwngzyenz fuzvu canjnieb caeuq vanzbauj canjnieb. Haifat funghnwngz、daiyangznwngz daengj doengh gij nwngzyenz cinghseuq、ndaej caiqseng haenx. Seiq dwg guh ndei “sam dah sam dingh”、gij goekraemx raemx baihnamz diuh bae baihbaek dem song henz sijloh de、Sanhyaz gugih caeuq Dahsunghvahgyangh daengj cungdenj liuzyiz uqlah fuengzceih gunghcoz, saedhengz Bozhaij vanzging baujhoh cungjdij gveihva. Doiq cungdenj liuzyiz gij doxgaiq uqlah raemx haenx, daezsang guekgya baizcuengq byauhcunj. Haj dwg gyagiengz baujhoh gij goekraemx raemxgwn lajmbanj, doicaenh lajmbamj ceihleix swnghhoz uqlah, yiemzgek gaemhanh gij gunghyez uqlah lajmbanj, gyagiengz ceihleix doengh cungj uqlah bitgaeq doihduz caeuq gij dajndaem dajciengx ndaw raemx, gaemhanh nungzyez baenz rangh dieg doengzcaez uqlah. Roek dwg gujli caeuq cihciz fazcanj yiengh ginghci ndaej sinzvanz cungzfuk, coicaenh soudauq leihyungh gij swhyenz ndaej caiqseng. Cienzmienh doihengz cinghseuq swnghcanj. Caet dwg gyagiengz baujhoh caeuq mbaet yungh cizyoz leihyungh diegdeih、raemx、diegnywj、ndoengfaex、gvangcanj daengj swhyenz, yiemzhaenq cazbanh gij hingzveiz fam fap famh gvidingh luenh vat gvangcanj swhyenz haenx. Guh ndei haijyangz swhyenz baujhoh caeuq hableix leihyungh, fazcanj haijyangz ginghci. Gyagiengz gisieng、deihdoengh、cwzvei gihcuj yenzgiu caeuq naengzlig gensez. Bet dwg saedhengz wngqdoiq mbwnheiq bienqvaq guekgya fueng’anq, gyagiengz wngqdoiq mbwnheiq bienqvaq naengzlig gensez. Gouj dwg laeb caezcienz gij ciengj fad gihci bae mbaet yungh nwngzyenz swhyenz caeuq baujhoh vanzging haenx. Caephengz mbaet yungh nwngzyenz gemjnoix baizcuengq uqlah doengjgeiq gamcaek cidu, laeb caezcienz saemjgeiq、gamcaz dijhi, gyadaih caepfap ligdoh, giengzvaq mbaet yungh nwngzyenz gemjnoix baizcuengq uqlah gunghcoz cwzyinci. Cib dwg hawj daengx biengz lai miz swnghdai vwnzmingz gvanhnen, dung’yenz daengxcungq yinzminz engqgya cizgiz bae caeuqfaenh gensez aen biengz mbaet yungh swhyenz、vanzging huzndei. Mbaet yungh swhyenz caeuq baujhoh vanzging aeu daih ciep daih mboujduenh guh roengzbae, hawj aen guekcoj raeuz bya engq heu, raemx engq saw, mbwn engq ronghcingx.

  Gyagiengz canjbinj caetliengh ancienz gunghcoz. It dwg gyavaiq ceiqdingh caeuq coihgaij canjbinj caetliengh ancienz byauhcunj. Bineix aeu guhbaenz gij hong ceiqdingh coihgaij 7700 lai hangh gijgwn、gijyw caeuq gizyawz siuhfeibinj ancienz guekgya byauhcunj, laeb caezcienz gijgwn、gijyw caeuq gizyawz siuhfeibinj ancienz byauhcunj dijhi; gijgwn、siuhfeibinj ancienz singnwngz iugouz caeuq gij genjcwz fuengfap byauhcunj de, cungj aeu yungh gozci byauhcunj. Cuzgouj canjbinj cawz aeu hab gozci byauhcunj caixvaih, lij aeu hab gij byauhcunj caeuq gisuz fapgvi iugouz aen guekgya yaek cingouj haenx. Ngeih dwg laeb caezcienz canjbinj caetliengh ancienz fazci baujcang. Gyavaiq ceiqdingh coihgaij gij fapgvi nangqdaengz canjbinj caetliengh ancienz haenx, laeb caezcienz gij gihci hingzcwng caepfap caeuq hingzsw swhfaz gaenjmaed hamzciep haenx, gyadaih ligdoh bae fadceih doengh gij giyez famh fap famh gvidingh haenx. Sam dwg laeb caezcienz canjbinj caetliengh ancienz gamguenj dijhi. Yiemzgek caephengz swnghcanj cinjhawj、giengzceih nyinhcwngq、cucwz bwh’anq cidu, dawzrem aen gvan hawciengz cinjhaeuj. Doiq gij canjbinj nangqdaengz bouxvunz ndangcangq caeuq ancienz haenx, daezsang gij swnghcanj cinjhawj diuzgienh dem hawciengz cinjhaeuj diuzgienh. Gyagiengz gijgwn、gijyw daengj cungdenj gamguenj gunghcoz, dawzrem aen gvan cingouj cuzgouj sanghbinj caetliengh. Nyinhcaen lozsiz canjbinj caetliengh ancienz cwzyinci. Raeuz itdingh aeu hawj yinzminz ginzcung gwn ndaej cuengqsim、yungh ndaej ansim, hawj cuzgouj canjbinj ndaej miz saenqyungh caeuq mingzdaeuz ndei.

  (5) Gyalaeg ginghci dijci gaijgwz, daezsang doiqrog hailangh suijbingz

  Bineix dwg gaijgwz hailangh 30 hopbi, gaijgwz hailangh sawj Cungguek fatseng le lizsijsing daih bienqvaq. Guek raeuz lij cawqyouq caemhcaiq yaek ciengzgeiz cawqyouq aen duenhmbaek cogaep seveicujyi, caenh’itbouh gaijfang caeuq fazcanj swnghcanjliz, caenh’itbouh coicaenh ndawbiengz goengbingz cingqngeih, saedyienh aen muzbyauh hungmbwk cienzmienh gensez aen biengz siujgangh caeuq guekgya saedyienh yendaiva, bietdingh aeu laebdaeb giendingh mbouj bienq bae doicaenh gaijgwz hailangh. Bineix lai roengzrengz ca’ndei geij fuengmienh lajneix:

  Doicaenh guekmiz giyez gaijgwz, guh caezcienz sojyoujci gezgou. Laebdaeb doidoengh guekmiz swhbwnj diuzcingj caeuq guekmiz giyez cungzcuj. Gyalaeg guekmiz giyez gunghswhci gujfwnci gaijgwz. Guh caezcienz gunghswh fazyinz ceihleix gezgou. Guh ndei gij hong cwngcwzsing gvendingz buqcanj caeuq cawjnieb fujnieb faenliz、fujnieb gaijci. Gyadaih guekmiz swhbwnj ginghyingz yawhsuenq cidu sawqdiemj. Gyalaeg gaijgwz doengh aen hangznieb gagciemq, yinxhaeuj gingcwngh gihci, gyagiengz cwngfuj gamguenj caeuq ndawbiengz gamduk. Yiemzgek gveihfan guekmiz giyez gaijci caeuq guekmiz canjgenz cienjnyiengh, fuengzre guekmiz swhcanj rohdeuz, baujcang gij gienzik habfap gyoengq cizgungh. Doicaenh cizdij giyez gaijgwz, fazcanj gij cizdij ginghci、hozcoz ginghci lai cungj hingzsik. Nyinhcaen lozsiz gak hangh cwngcwz gujli、cihciz caeuq dazyinx godij swhyingz daengj feihgunghyoujci ginghci fazcanj haenx, daegbied aeu gaijgez hawciengz cinjhaeuj caeuq yungzswh cihciz daengj fuengmienh vwndiz.

  Gyalaeg caizsui dijci gaijgwz, gyavaiq goenggungh caizcwng dijhi gensez. Gaijgwz yawhsuenq cidu, giengzvaq yawhsuenq guenjleix caeuq gamduk. Laeb caezcienz caeuq gveihfan caizcwng senjdieg ceihawj cidu, daezsang itbuensingq senjdieg ceihawj gveihmoz caeuq beijlaeh, gyadaih goenggungh fuzvu lingjyiz douzhaeuj. Cizgiz doicaenh sengj gaep doxroengz caizcwng dijci gaijgwz. Cienzmienh saedhengz aen fap giyez sojdwzsui moq. Gaijgwz swhyenz suifei cidu, laeb caezcienz gij cidu miz daiqgyaq sawjyungh swhyenz caeuq gij gihci dienzboiz swnghdai vanzging. Laebdaeb doicaenh cwnghcizsui cienjhingz gaijgwz sawqdiemj, yenzgiu ceiqdingh aen fueng’anq youq daengx guek fanveiz saedhengz haenx.

  Gyavaiq ginhyungz dijci gaijgwz, gyagiengz ginhyungz gamguenj. Laebdaeb gyalaeg ngaenzhangz hangznieb gaijgwz, cungdenj doicaenh Cungguek Nungzyez Ngaenzhangz gujfwnci gaijgwz caeuq Guekgya Haifat Ngaenzhangz gaijgwz. Laebhwnj cunzngaenz baujyiemj cidu. Gyavaiq lajmbanj ginhyungz gaijgwz, giengzvaq Cungguek Nungzyez Ngaenzhangz、Cungguek Nungzyez Fazcanj Ngaenzhangz caeuq Cungguek Youzcwng Romcienz Ngaenzhangz gij goengnaengz vih “sam nungz” fuzvu de, laebdaeb gyalaeg lajmbanj sinyungse gaijgwz, cizgiz doicaenh fazcanj gij lajmbanj ginhyungz gihgou yienghmoq. Youhva swhbwnj hawciengz gezgou, coicaenh gujbyau hawciengz onjdingh cangqheiq fazcanj, roengzrengz daezsang gij caetliengh doengh aen gunghswh hwnjhaw, henhoh gij hawciengz cizsi goenghai goengbingz goengcingq haenx, laebhwnj cang’yezbanj hawciengz, gyavaiq fazcanj caigen hawciengz, onjbouh fazcanj geizhuq hawciengz. Gyalaeg baujyiemj hangznieb gaijgwz, cizgiz gya’gvangq nungzyez baujyiemj fanveiz, guh ndei cwngcwzsing nungzyez baujyiemj sawqdiemj gunghcoz. Eifap yiemzhaenq cazbanh gak cungj ginhyungz hingzveiz famh fap famh gvidingh haenx. Cietsaed fuengzre caeuq vaqgej ginhyungz fung’yiemj, henhoh ginhyungz onjdingh caeuq ancienz.

  Dawz doiqrog hailangh guh ndaej engq gvangq engq laeg bae, daezsang gij suijbingz yiengh ginghci hailangh haenx. Youq mwh baujciz cuzgouj bingzonj demmaj, doengzseiz gyavaiq cienjbienq vaimou fazcanj fuengsik, sawj cuzgouj gezgou bienq ndei bae, gujli cuzgouj doengh gij canjbinj gag miz cihsiz canjgenz caeuq gag miz binjbaiz haenx, daezsang cuzgouj canjbinj caetliengh、dangsw dem fu’gyahciz. Gyadaih fuzvu cuzgouj, fazcanj gij fuzvu hanghmoeg doq rog cwngzbau. Cizgiz gyadaih cingouj, cungdenj gyalai cingouj gij gisuz canghbei senhcin、gij yienzliuh caizliuh youqgaenj caeuq gij lingzbugen dem yenzgigen gvanhgen haenx. Guhndei leihyungh vaiswh canjnieb gezgou caeuq digih baijbouh, onjbouh doicaenh fuzvu hangznieb doiqrog hailangh. Hanhhaed caeuq gimqcij gij vaiswh hanghmoeg siuhauq nwngzyenz lai、baizcuengq uqlah daih caeuq mbangj nangq haeuj swhyenz haifat bae haenx, cietsaed niujcingq gij guhfap famh fap famh gvidingh mwh ciu seng’eiq rag swhginh. Cauhmoq doiq rog douzswh caeuq hozcoz fuengsik, guh caezcienz caeuq lozsiz gij cwngcwz cosih cihciz giyez “byaij okbae”. Gyagiengz lai mbiengj song mbiengj caeuq gihyiz ginghci hozcoz. Laebdaeb doicaenh swyouz mouyizgih damzbuenq, nyinhcaen hengz gij hezding gaenq ciemdingh haenx. Henhoh gij gozci mouyiz cizsi goengbingz.

  Youq ndaw doicaenh gaijgwz hailangh, aeu gyavaiq gensez yienhdaih hawciengz dijhi, daihlig fazcanj yienhdaih riuzdoeng, haeujlaeg cwngjdun caeuq gveihfan hawciengz cizsi, doicaenh ndawbiengz saenqyungh cidu gensez.

  
[1] [2] [3] [4] [5] [6] [7] [8]
Dozsiengq