Nda Guh YiebdaeuzYolouz RoengzdaeujAen Saenqsieng Bouxbien
YiebdaeuzYinzminzvangjSawmungzgujSawcangqcuzSawveizvuzwjSawhahsazgwzSawcauzsenhSawyizcuz

CWNGFUJ GUNGHCOZ BAUGAU 3

——2008 Nienz 3 Nyied 5 Hauh Youq Gwnz Aen Hoih Daih Cib’it Gaiq Daengx Guek Yinzminz Daibyauj Daihhoih Daih’it Baez Veiyi

Gozvuyen cungjlij  Vwnh Gyahbauj
  
【Cihsaw Hung’iq : hung rauh iq】  Dajyaenq
      
  Youq vwnzva caeuq dijyuz fuengmienh. Daengx guek caizcwng gij ceiok yungh haeuj vwnzva dijyuz saehnieb bae haenx haj bi gyoebsuenq 3104 ik maenz, beij haj bi gonq demmaj 1.3 boix. Yienh yangh song gaep goenggungh vwnzva fuzvu dijhi cobouh cauxbaenz, daihdaej saedyienh le yienh yienh miz duzsuhgvanj、vwnzva’gvanj. Daengx guek vwnzva saenqsik swhyenz caezyiengj gunghcwngz、gvangjbo densi mbanjmbanj doeng gunghcwngz daengj gihcwngz vwnzva sezsih gensez netsaed doicaenh. Cezyoz sevei gohyoz caeuq sinhvwnz okbanj、gvangjbo yingjsi、vwnzyoz yisuz caenh’itbouh mwnhoengh. Vwnzvuz caeuq feihvuzciz vwnzva yizcanj baujhoh ndaejdaengz gyagiengz. Doiq rog vwnzva gyauhliuz engqgya hozyoz. Hawsingz lajmbanj goenggungh dijyuz sezsih gensez gyavaiq, ginzcungsing dijyuz fazcanj hoenghhwd, gyoengq dijyuz yindung’yenz maenh’ak raeuz youq ndaw gozci dasai ndaej miz cingzcik gig ndei.

  Youq gihminz souhaeuj caeuq siuhfei fuengmienh. Roengzrengz demgya gij souhaeuj gyoengq gihminz hawsingz lajmbanj daegbied dwg boux gihminz souhaeuj noix. Daezsang ceiqdaemq gunghswh byauhcunj; daihdaej gaijgez aen vwndiz nieng’yiemq gij cienzhong nungzminzgungh; doiq doengh boux cungdenj youhfuj haenx seiq baez daezsang fujsiz bangbouj byauhcunj, dungjcouz gaijgez gij saedsaeh gunnanz bouxbing duiyiz haenx. Gyangqdaemq gihminz gij cienz rom youq ngaenzhangz haenx aen leihsiksuiq bijliz de, daezsang aen soqgiek nab goyinz sojdwzsui. Gyadingz caizcanj bujben demlai. Gihminz siuhfei gezgou swnggaep gyavaiq, gyayungh giceh daih fukdoh demgya, yizdung denva、gisongih、hulenzvangj gig vaiq bujgiz, lijyouz vunzsoq baenz boix demmaj. Ranzyouq diuzgienh caenh’itbouh gaijndei, gaijcauh gij ranzdiengz hawsingz gaenq guh hwnjdaeuj. Gij goenggungh fuzvu hawsingz lajmbanj gihminz ndaej yiengjmiz haenx mingzyienj demlai.

  Youq ndawbiengz guenjleix fuengmienh. Roengzrengz henhoh gij gienzik habfap yinzminz ginzcung, cizgiz vaqgej gij mauzdun ndawbiengz. Ceiqdingh caemhcaiq saedhengz gij cwngcwz cosih baujcang gij gienzik habfap gyoengq nungzminzgungh. Roengzrengz gaijgez gij vwndiz youq diegdeih cwngsou cwng’yungh、cek ranz senj ranz、giyez gaijci、vanzging baujhoh daengj fuengmienh sonjhaih leih’ik ginzcung haenx. Sinfangj gunghcoz mboujduenh gyagiengz. Cibfaen yawjnaek ancienz swnghcanj gunghcoz, laeb caezcienz ancienz gamguenj dijci, lozsiz ancienz swnghcanj cwzyinci, gyagiengz ancienz swnghcanj fazci gensez. Ndawbiengz cianh fuengzre gaemhanh dijhi engqgya caezcienz, gyoebhab ceihleix gunghcoz caenh’itbouh gyagiengz. Ciuqfap dwkceih gak cungj famhcoih hozdung, mizyauq henhoh le guekgya ancienz caeuq ndawbiengz onjdingh.

  Youq ginghci fazcanj riengjvaiq caeuq caizlig mingzyienj demgya cungj cingzgvang neix, yungh gig daih ligliengh gaijgez le mbangj di lizsij vwndiz ciengzgeiz louz roengzdaeuj haenx. Bokliz caeuq cawqceq gij swhcanj mbouj ndei guekmiz sanghyez yinzhangz, lawhvuenh lajmbanj sinyungse gij daigvanj mbouj ndaej soudauq caeuq lai bi siedbonj si soq, vaqgij guekmiz giyez lizsij caivu, cugbouh gaijgez guekmiz haeuxgwn giyez cwngcwzsing siedbonj si soq, boiz caez cuzgouj doiqsuiq yiemq cienz, laeb ndei suijgu hung rauh cwng’yungh diegdeih dienzbouj sonjsaet caeuq yizminz geizlaeng bangfuz cwngcwz daengj. Gaijgez doengh gij vwndiz neix, doiq ginghci ndawbiengz fazcanj miz cozyungh youqgaenj.

  Haj bi daeuj, raeuz youq minzcuj fazci gensez、gozfangz caeuq bingdoih gensez、Gangj Au Daiz gunghcoz caeuq vaigyauh daengj fuengmienh, caemh ndaej miz fazcanj youqgaenj.

  Onjbouh doicaenh yiengh minzcuj fazci gensez seveicujyi. Gak gaep cwngfuj gagrox ciepsouh doengzgaep yinzminz daibyauj daihhoih caeuq aen cangzveijvei de gamduk, cawjdoengh ciepsouh yinzminz cwnghez minzcuj gamduk, nyinhcaen dingqaeu gij yigen minzcuj dangjbai、gunghsanghlenz、vuzdangjbai yinzsw、yinzminz donzdij, doenggvaq lai cungj hingzsik cam’aeu gij genyi conhgyah yozcej caeuq yinzminz ginzcung, ciepsouh sinhvwnz meizdij caeuq ndawbiengz gak gyaiq gamduk. Saedhengz saehhangh hungnaek gezcwz gunghsi caeuq dinghcwngq cidu. Gyagiengz gensez hawsingz lajmbanj gihcwngz swci cujciz, gihcwngz minzcuj guenjleix cidu caenh’itbouh laeb caezcienz. Haj bi daeuj gozvuyen gungh yiengq daengx guek yinzda cangzveijvei daezgyau 39 gienh faplwd yian, ceiqdingh、coihgaij 137 gienh hingzcwng fapgvi. Damqra laebhwnj gij gihci caeuq cidu vunzlai miz bouhloh camgya cwngfuj laebfap haenx. Miz 15 bouh faplwd caujan caeuq hingzcwng fapgvi caujan yiengq ndawbiengz goenghai cam’aeu yigen. Cienzmienh cingleix le gij hingzcwng fapgvi caeuq gvicieng yienhhengz. Gvancez aen fap giz dieg siujsoq minzcuz gagguenj, doicaenh minzcuz doxgiet cinbu saehnieb. Cienzmienh lozsiz cunghgyau saenqyiengj swyoz cwngcwz, doiq gij hongsaeh cunghgyau guh guenjleix bienq ndaej miz fazci、miz gveihfan. Cienzmienh lozsiz gyauzvu cwngcwz, ciuq fap baujhoh gij gienzik habfap gyoengq beixnuengx vazgyauz youq rog guek caeuq gyoengq vazgyauz gauqma guekcoj haenx dem gij lwgyah vunzranz de.

  Cienzmienh gyagiengz bingdoih yendaiva gensez. Cizgiz doicaenh gij bingsaeh bengwz miz daegsaek Cungguek. Diuzcingj gaijgwz bingdoih dijci benhci caeuq cwngcwz cidu, swnhleih guhbaenz gij yinvu caizgemj bingdoih vunzsoq 20 fanh. Gozfangz caeuq bingdoih gensez ndaejdaengz lizsijsing cwngzciu. Yinzminz gaijfangginh caeuq yinzminz vujcangh gingjcaz budui vih henhoh guekgya cawjgienz、ancienz、diegguek caezcingj caeuq coicaenh ndawbiengz huzciz onjdingh guh ok le gung’yen hungnaek.

  Genhciz diuz fuengcim “aen guekgya ndeu song cungj cidu”, yiemzgek ciuq Aen Fapgiek Yanghgangj Daegbied Hingzcwnggih caeuq Aen Fapgiek Aumwnz Daegbied Hingzcwnggih banhsaeh. Saedhengz neidi caeuq Yanghgangj、Aumwnz gij ginghmou gvanhaeh anbaiz engq gaenjmaed haenx. Yanghgangj、Aumwnz baujciz mwnhoengh onjdingh.

  Genhgez fanjdui caeuq naenxhaed “daizduz” faenmbek hozdung, henhoh guekgya cawjgienz caeuq diegguek caezcingj, henhoh Daizvanh Haijyaz song hamq huzbingz. Saedhengz baenz gyoengq cosih doiq gij yinzyenz baedauq caeuq ginghci gohgi gyauyuz vwnzva dijyuz gyauhliuz mizleih haenx, coicaenh le song hamq gvanhaeh huzbingz onjdingh fazcanj.

  Cizgiz bae guh doiqrog baedauq caeuq hozcoz, cienz fueng’vih vaigyauh ndaej miz fazcanjhungnaek, giendingh henhoh caeuq fazcanj le gij leih’ik guekgya. Guek raeuz caeuq cujyau guek hung gyagiengz le doiqvah, demgya le doxsaenq, gyadaih le hozcoz. Cungh Meij gvanhaeh onjdingh fazcanj, Cungh Ngoz canloz hezcoz doengzdoih gvanhaeh daezsang daengz suijbingz moq, Cungh Ouh cienzmienh hozcoz ngoenz beij ngoenz gyalaeg, Cungh Yiz gvanhaeh ndaejdaengz gaijndei, caeuq gij guekgya seiqhenz doxhuz doxndei gvanhaeh caenh’itbouh gyagiengz, gihyiz hozcoz ndaej miz cingzgoj moq, caeuq doengh aen guekgya cingqcaih fazcanj haenx doxgiet hozcoz haiok le gizmen moq. Banh ndei baenz gyoengq lai mbiengj vaigyauh hozdung hungnaek. Dojdangq wngqdoiq gwnz gozci gak cungj diuhcan moq, cizgiz fucwz bae camgya gaijgez gij vwndiz daengx seiqgyaiq. Youq gaijgez gozci caeuq digih yezdenj vwndiz fuengmienh fazveih gij gensezsing cozyungh youqgaenj.

  Haj bi daeuj, raeuz itcig yawjnaek gaijgwz caeuq gensez cwngfuj bonjndang. Bonj gaiq cwngfuj dawz saedhengz gohyoz minzcuj gezcwz、doicaenh ciuqfap hingzcwng、gyagiengz hingzcwng gamduk dangguh cwngfuj gunghcoz sam hangh gihbwnj cunjcwz. Ceiqdingh cienzmienh doicaenh ciuqfap hingzcwng saedhengz ganghyau, doidoengh cwngfuj ciznwngz cienjbienq caeuq guenjleix cauhmoq, giengzvaq ndawbiengz guenjleix caeuq goenggungh fuzvu. Nyinhcaen gvancez saedhengz aen fap hingzcwng cinjhawj, doicaenh hingzcwng saemjbae cidu gaijgwz, gozvuyen gak bouhmonz siucawz caeuq diuzcingj hingzcwng saemjbae hanghmoeg 692 hangh. Doicaenh cwng’vu goenghai, laebndei sinhvwnz fatbouh cidu, gyagiengz gensez denswj cwng’vu. Daengx guek wnggip guenjleix dijhi daihdaej laebbaenz. Gamcaz、saemjgeiq daengj cienmonz gamduk gunghcoz gig miz cingzyauq. Gunghvuyenz gyauyuz beizyin caeuq guenjleix fazciva gensez caenh’itbouh gyagiengz. Genhciz mbouj cuengqsoeng bae guh fanj nduknaeuh doucwngh caeuq gyagiengz cwngfungh gensez, ceihleix sanghyez oeteiq gunghcoz ndaejdaengz cingzyauq gig ndei, ciuqfap cazbanh le gij anqgienh famh fap famh gvicieng caeuq gij hingzveiz mbouj caenh cizcwz cauhbaenz sonjsaet haenx, ceihfad doengh boux nduknaeuh.

  Haj bi gvaqbae neix, raeuz youq ndaw gij sizcen lairaeuh rom ndaej le haujlai gingniemh dijbauj, cujyau dijvei dwg:

  Daih’it, bietdingh aeu genhciz gaijfang swhsiengj. Gaijfang swhsiengj、saedsaeh gouz dwg, dwg diuz swhsiengj lohsienq aen dangj raeuz. Cijmiz genhciz gijmaz cungj daj saedsaeh bae guh, buqcawz maezsaenq, gamj bae cungbyoengq gij gvanhnen cughaed mbouj hab seizdaih haenx, gingqcungh gij haicauh cingsaenz ginzcung, daihdamj damqra、sizcen caeuq cauhguh, caeuq seizdaih caez baenaj, cij ndaej sawj seveicujyi yendaiva saehnieb gig miz rengzhoengh.

  Daihngeih, bietdingh aeu genhciz lozsiz gohyoz fazcanjgvanh. Gohyoz fazcanjgvanh dwg aen canloz swhsiengj hungnaek fazcanj yiengh seveicujyi miz daegsaek Cungguek haenx, dwg diuz cijdauj fuengcim youqgaenj ginghci ndawbiengz fazcanj guek raeuz. Raeuz aeu genhciz dawz fazcanj dangguh hangh hongsaeh youqgaenj daih’it, roengzrengz cienjbienq ginghci fazcanj fuengsik, diuzcingj ginghci gezgou, daezsang ginghci demmaj caetliengh caeuq yauyiz; genhciz aeu vunz guh goek, yawjnaek dungjcouz giemgoq, doidoengh cienzmienh hezdiuz ndaej lienzdaemh fazcanj. Cijmiz haeujlaeg gvancez lozsiz gohyoz fazcanjgvanh, cij ndaej saedyienh ginghci ndawbiengz youh ndei youh vaiq fazcanj, coicaenh ndawbiengz huzciz.

  Daihsam, bietdingh aeu genhciz gaijgwz hailangh. Gaijgwz hailangh dwg aen genjdingh hungnaek youh gvanhgen ndeu, de ndaej gietdingh diuz minghyinh dangdaih Cungguek dwk. Raeuz aeu giendingh mbouj bienq bae doicaenh ginghci dijci gaijgwz、cwngci dijci gaijgwz, fazcanj yiengh minzcuj cwngci seveicujyi, laebndei yiengh hawciengz ginghci dijci seveicujyi, gaijfang caeuq fazcanj swnghcanjliz, coicaenh ndawbiengz goengbingz cingqngeih, saedyienh bouxvunz cienzmienh fazcanj. Hailangh hix dwg gaijgwz, hailangh giemyungz cij ndaej sawj guekgya giengzak. Daengx aen seveicujyi yendaiva gensez gocwngz cungj aeu guh gaijgwz hailangh, seizlawz cungj mbouj ndaej doenghngauz.

  Daihseiq, bietdingh aeu genhciz guh ndei hungzgvanh diuzgung. Hungzgvanh diuzgung caeuq hawciengz gihci cungj dwg aen gapbaenz bouhfaenh yiengh hawciengz ginghci dijci seveicujyi. Raeuz aeu engq daih cingzdoh bae fazveih hawciengz youq boiqgap swhyenz ndawde gij gihcujsing cozyungh haenx, demgiengz giyez rengzhoengh caeuq gingcwngh naengzlig. Doengzseiz, aeu gyagiengz caeuq gaijndei hungzgvanh diuzgung. Genhciz cujyau yungh ginghci soujduenh、faplwd soujduenh, fazveih gak cungj cwngcwz gij cujhab yauying de; genhciz faenbied doiqdaih、miz bauj miz at, mbouj guh mbat cax dog raemj, mbouj guh gaenjgip sab ci; genhciz mboujduenh cungjgez gingniemh, gibseiz diuzcingj cwngcwz, yawjnaek saedsaeh yaugoj. Cijmiz dawz hawciengz gihci caeuq hungzgvanh diuzgung ndeindei giethab hwnjdaeuj, cij ndaej baujcwng daengx aen ginghci gig miz rengzhoengh、gig miz yauliz、lienzdaemh cangqheiq doxdaengh fazcanj.

  Daihhaj, bietdingh aeu genhciz vih beksingq gaemgienz. Cwngfuj sojmiz gienzlig cungj dwg yinzminz hawj, vih beksingq gaemgienz dwg aen sawjmingh ceiq sang ceiq ndei gak gaep cwngfuj. Raeuz aeu geiqmaenh itsim iteiq vih yinzminz fuzvu diuz cunghcij neix, dawz saedyienh ndei、henhoh ndei、fazcanj ndei gij gaenbonj leih’ik ceiq guengjdaih yinzminz, dangguh cwngfuj gunghcoz gizhaidin caeuq gizdoekdin de. Engqgya yawjnaek baujcang caeuq gaijndei gij saedceij beksingq, daegbied aeu gvansim caeuq gaijgez gij swnghhoz gunnanz gyoengq ginzcung hawsingz lajmbanj souhaeuj noix haenx, sawj daengxcungq yinzminz caezyiengj gij cingzgoj gaijgwz fazcanj. Cijmiz genhciz yienghyiengh cungj gvi yinzminz, yienghyiengh cungj vih yinzminz, yienghyiengh cungj baenghgauq yinzminz, yienghyiengh goenglauz cungj gvi yinzminz, gak hangh saehnieb raeuz cij ndaej daengz gij ginzcung gihcuj caeuq goekmboq ligliengh ceiq gvangqlangh ceiq baengh ndaej haenx.

  Daihroek, bietdingh aeu genhciz ciuqfap hingzcwng. Ciuqsouj fapgoek caeuq faplwd dwg cwngfuj sojmiz gunghcoz aen gaenbonj yenzcwz de. Raeuz aeu yiemzgek ciuq fapdingh gienzhanh caeuq cwngzsi bae hengzsawj gienzlig、hengzguh cizcwz, gyagiengz cwngfuj laebfap, gveihfan hingzcwng caepfap, guhndei hingzcwng gamduk, gensez fazci cwngfuj, mboujduenh daezsang gij naengzlig ciuq fap hingzcwng. Cijmiz cienzmienh doihengz ciuqfap hingzcwng, roengzrengz guh daengz miz gienz bietdingh miz cwzyin、yungh gienz deng gamduk、ciemq gienz aeu dienzboiz、famhfap aeu cazdawz, hawj gienzlig youq laj ronghndit yinhhengz, cij ndaej baujcwng gij gienzlig yinzminz hawj haenx itcig cungj yungh bae vih yinzminz maeuz leih’ik.

  Raeuz hix singjsak rox daengz, gij ginghci ndawbiengz fazcanj caeuq cwngfuj gunghcoz raeuz lij miz mbouj noix vwndiz, ndaw guek rog guek hingzsi fazcanj bienqvaq sawj raeuz roeb daengz haujlai diuhcan caeuq yung’yiemj moq.

  
[1] [2] [3] [4] [5] [6] [7] [8]
Dozsiengq