Nda Guh YiebdaeuzYolouz RoengzdaeujAen Saenqsieng Bouxbien
YiebdaeuzYinzminzvangjSawmungzgujSawcangqcuzSawveizvuzwjSawhahsazgwzSawcauzsenhSawyizcuz

CWNGFUJ GUNGHCOZ BAUGAU 6

——2009 Nienz 3 Nyied 5 Hauh Youq Gwnz Aen Hoih Daih Cib’it Gaiq Daengx Guek Yinzminz Daibyauj Daihhoih Daihngeih Baez Veiyi

Gozvuyen cungjlij  Vwnh Gyahbauj
  
【Cihsaw Hung’iq : hung rauh iq】  Dajyaenq
      
  (5) Laebdaeb gyalaeg gaijgwz hailangh, caenh’itbouh laeb caezcienz gij dijci gihci ndei hawj gohyoz fazcanj haenx

  Gaijgwz hailangh dwg gij doenghlig mbouj raeg bae coicaenh ginghci ndawbiengz fazcanj haenx. Raeuz yaek genhciz gaijgwz hailangh mbouj doenghngauz, doenggvaq gyalaeg gaijgwz buqgej fazcanj nanzdaez, youq ndaw gyadaih hailangh hingz ndaej fazcanj seizgei ndei.

  Doicaenh swhyenzsing canjbinj gyagwz gaijgwz. Laebdaeb gyalaeg gaijgwz gij gyaqcienz den, cugbouh laeb caezcienz aen gihci cauxbaenz gij gyaqcienz den hwnjvangx、gij gyaqcienz den boiqsoengq caeuq gij gyaqcienz den siugai, habseiz leixswnh meiz den gyaqgwz gvanhaeh. Cizgiz doicaenh gaijgwz gij gyaqcienz raemx, doiq doengh gij raemx mbouj dwg nungzyez sawjyungh haenx, cugbouh daezsang suijli gunghcwngz gung raemx gyacienz, laeb ndei raemx swhyenzfei cwngsou guenjleix dijci. Gyavaiq laeb hwnj laeb caezcienz hangh cidu miz daiqgyaq sawjyungh gvangcanj swhyenz caeuq yiengh gihci doiq swnghdai guh boizbouj haenx, cizgiz bae gauj hangh sawqdiemj gyauyiz gij gienz baizcuengq uqlah.

  Doicaenh caizsui dijci gaijgwz. Cienzmienh saedhengz cwnghcizsui cienjhingz gaijgwz. Doengjit neiswh vaiswh giyez caeuq goyinz cwngzgensui、gyauyuzfei fouqgya daengj cidu. Gaijgwz laeb ndei swhyenzsui cidu. Yenzgiu doicaenh fangzdicanj suici gaijgwz. Laebdaeb cingleix hingzcwng swyezsing soufeiq caeuq cwngfujsing gihginh, gyagiengz gveihfan guenjleix. Gyalaeg gaijgwz yawhsuenq cidu, saedyienh cwngfuj goenggungh yawhsuenq、guekmiz swhbwnj ginghyingz yawhsuenq、cwngfujsing gihginh yawhsuenq caeuq ndawbiengz baujcang yawhsuenq gaenjmaed hamzciep, cizgiz doicaenh yawhsuenq goenghai. Laeb caezcienz caizcwng senjdieg ceihawj cidu. Doicaenh sengj cigciep guenj yienh caizcwng guenjleix fuengsik gaijgwz.

  Doicaenh ginhyungz dijci gaijgwz. Gyalaeg guekmiz ginhyungz gihgou gaijgwz. Onjbouh fazcanj lai cungj sojyoujci ginhyungz giyez rauh iq caeuq lajmbanj ginhyungz gihgou yienghmoq. Cizgiz dazyinx ndawbiengz yungzswh cangqheiq fazcanj. Doicaenh swhbwnj hawciengz gaijgwz, henhoh gujbyau hawciengz onjdingh. Fazcanj caeuq gveihfan cwnggen hawciengz. Onjbouh fazcanj gizho hawciengz. Gyalaeg baujyiemj hangznieb gaijgwz, cizgiz fazveih baujyiemj baujcang caeuq yungzswh gunghnwngz. Doicaenh liliz sicangzva gaijgwz. Laeb caezcienz yinzminzbi veiliz cauxbaenz gihci, sawj yinzminzbi veiliz youq hableix bingzyaenx suijbingz gwnzde baujciz daihdaej onjdingh. Laeb caezcienz ginhyungz gamguenj hezdiuz gihci.

  Doicaenh guekmiz giyez gaijgwz caeuq bangcoengh feihgunghyoujci ginghci fazcanj. Gyalaeg guekmiz daih giyez gunghswhci、gujfwnci gaijgwz, laeb hwnj laeb caezcienz yienhdaih giyez cidu. Gyavaiq dietloh、denliz、gyu daengj hangznieb gaijgwz. Laeb caezcienz minzhangz、densin guenjleix dijci, ceiqdingh okdaiz densin dijci gaijgwz boiqdauq gamguenj cwngcwz. Gujli、bangcoengh caeuq dazyinx feihgunghyoujci ginghci fazcanj. Lozsiz gak hangh cwngcwz, cuengqsoeng hawciengz cinjhaeuj, cizgiz bangcoengh gij swhbwnj ndawbiengz bae caeuqfaenh guh guekmiz giyez gaijgwz, haeuj giekdaej sezsih、goeng’yungh saehnieb、ginhyungz fuzvu caeuq ndawbiengz saehnieb daengj lingjyiz bae.

  Gyavaiq deihfueng cwngfuj gihgou gaijgwz. Doicaenh saehnieb danhvei gaijgwz.

  Roengzrengz baujciz doiq rog mouyiz onjdingh laihwnj. Raeuz giengzdiuh gyadaih gij sihgiuz ndaw guek, ciengeiz mbouj ndaej cuengqsoeng cuzgouj. Mienhdoiq gij sihgiuz baihrog sukreuq gig vaiq、mouyiz baujhucujyi yo’gyaeuj yiengh hingzseiq yiemzhaenq neix, aeu cingleix caeuq diuzcingj vaimou cwngcwz, lai gyarengz bae bangcoengh gij hong cingouj cuzgouj. Genhciz aen canloz cuzgouj hawciengz bienq lai lengq caeuq aeu caetliengh bae hingz vunz, gyamaenh conzdungj cuzgouj hawciengz, roengzrengz haifat doengh gij hawciengz saenhwng. It dwg cungfaen yinhyungh gij caizsui cwngcwz gwnz seiqgyaiq doenghengz haenx bae bangcoengh cuzgouj; habdoh gyadaih vaimou fazcanj gihginh gveihmoz, cungdenj bangcoengh giyez rauh iq haifat gozci hawciengz caeuq gungganq gij binjbaiz cuzgouj. Ngeih dwg doiq cingouj cuzgouj gaijndei ginhyungz fuzvu. Gyadaih cuzgouj saenqyungh baujyiemj guenjgoq fanveiz; gujli ginhyungz gihgou fazcanj cuzgouj sindai; cauhmoq cuzgouj giyez gij yungzswh danhbauj fuengsik de. Sam dwg onjbouh doicaenh gyagoeng mouyiz cienjhingz swnggaep. Gaijndei gyagoeng mouyiz fazcanj vanzging, diuzcingj gyagoeng mouyiz gimqcij loih caeuq hanhhaed loih moegloeg; gujli cuzgouj gyagoeng hangznieb senj haeuj cunghbu sihbu digih bae. Seiq dwg cagaenj laeb caezcienz gij cwngcwz cosih gujli fuzvu mouyiz haenx; daihlig fazcanj gozci fuzvu doiq rog cwngzbauh. Haj dwg roengzrengz gyadaih cingouj. Cungdenj yinxhaeuj senhcin gisuz canghbei, lai cingouj gvanhgen lingzgienh buqgienh caeuq yienzgienh giqgienh、gij nwngzyenz swhyenz caeuq yienzliuh caizliuh youqgaenj. Roek dwg daezsang mouyiz bienhleih suijbingz. Guh ndei haijgvanh、caetliengh gienjniemh、vaivei daengj fuengmienh gamduk caeuq fuzvu; gyagiengz hwnqguh gij gvanhaeuj henzguek. Caet dwg cauh’ok gozci ginghmou vanzging ndei. Cizgiz doidoengh Dohhah Veizhoz Damzbuenq; gyavaiq saedhengz aen canloz cauhlaeb swyouz mouyizgih; dojdangq wngqdoiq gij doxdawz mwh guh mouyiz.

  Doidoengh leihyungh gij swhbwnj rog guek caeuq doiq rog guek douzswh doxdaengh fazcanj. Onjdingh aen gveihmoz leihyungh gij swhbwnj rog guek, dazyinx gij swhbwnj rog guek dwk haeuj gauhsinh gisuz canjnieb、senhcin ceiqcauh hangznieb、mbaetyungh nwngzyenz baujhoh vanzging canjnieb caeuq yienhdaih fuzvu hangznieb bae. Caenh’itbouh cingleix caeuq gveihfan gij hingzcwng soufeiq caeuq genjcaz saehhangh nangq daengz gyoengq lauxbanj daj rog guek daeuj douzswh haenx. Daezswng gij fazcanj suijbingz cunghbu sihbu guekgya gaep gaihfazgih caeuq gij hailangh suijbingz rangh dieg henzguek. Laebdaeb saedhengz hangh canloz “byaij okbae”. Bangcoengh gak loih giyez miz diuzgienh haenx doiq rog guek douzswh caeuq guh hamj guek gyoebcawx, hawj giyez hung youq ndaw “byaij okbae” cungfaen fazveih gij cozyungh dingxdaeuz. Cizgiz doicaenh hwnqguh rog guek ginghmou hozcozgih. Fazcanj rog guek swhyenz hozcoz haifat、gunghcwngz cwngzbauh caeuq lauzvu hozcoz. Coengz ginhyungz fuengmienh bae gyagiengz bangcoengh giyez guh doiq rog douzswh hozcoz, haigvangq gij daeuzloh doiq rog douzswh. Gyadaih rog guek douzswh bwh’anq daenggeiq cidu fanveiz. Doiq giyez doiq rog guek douzswh gyagiengz guh fung’yiemj gaemhanh caeuq gamguenj.

  
[1] [2] [3] [4] [5] [6] [7] [8]
Dozsiengq