Nda Guh YiebdaeuzYolouz RoengzdaeujAen Saenqsieng Bouxbien
YiebdaeuzYinzminzvangjSawmungzgujSawcangqcuzSawveizvuzwjSawhahsazgwzSawcauzsenhSawyizcuz

CIENZMIEMH HWNQGUH AEN BIENGZ SIUJGANGH, CAUH’OK AEN GIZMEN MOQ YIENGH SAEHNIEB SEVEICUJYI MIZ DAEGSAEK CUNGGUEK 2

——Gij Baugau Youq Gwnz Aen Daihhoih Cungguek Gungcanjdangj Daih Cibroek Baez Daengx Guek Daibyauj Davei
(2002 nienz 11 nyied 8 hauh)

Gyangh Cwzminz
  
【Cihsaw Hung’iq : hung rauh iq】  Dajyaenq
      
  Nyeuxgyaeuj dauqyawj cibsam bi neix, diuz roen raeuz byaij gvaq de gig mbouj bingzrwenx, cingzcik ndaej daeuj mbouj yungzheih. Raeuz simdingh wngqdoiq haujlai gij saehgienh gwnz seiqgyaiq sawqmwh fatseng youh gvanhaeh daengz guek raeuz cawjgienz caeuq ancienz haenx, hoenxhingz doengh gij gunnanz caeuq fung’yiemj ok laeng cwngci、ginghci lingjyiz caeuq swyenzgai, gingsouh le gaujniemh baez dem baez, baizcawz gak cungj gauxca, baujcwng le gaijgwz hailangh caeuq yendaiva gensez aen ruz neix ndaej itcig riengz aen fueng’yiengq cingqdeng haenx buqlangh baenaj. Raeuz ndaej hingz baenzneix, dwg baengh gij gihbwnj lijlun、gihbwnj lohsienq caeuq gihbwnj ganghlingj aen dangj daeuj cingqdeng ceijyinx, dwg baengh aen dangj giggig doxgiet doengjit, dwg baengh daengx dangj caeuq daengx guek gak cuz yinzminz doengzcaez haenqrengz guh.

  Youq gizneix, gou daibyauj Cunghgung Cunghyangh, yiengq daengx guek gak cuz yinzminz, yiengq gak minzcuj dangjbai、gak yinzminz donzdij caeuq gak gyaiq gyaezguek yinzsw, yiengq gyoengq beixnuengx Yanghgangj Daegbied Hingzcwnggih、gyoengq beixnuengx Aumwnz Daegbied Hingzcwnggih caeuq gyoengq beixnuengx Daizvanh dem guengjdaih beixnuengx vazgyauz, yiengq sojmiz gij baengzyoux gak guek gvansim caeuq cihciz Cungguek yendaiva gensez haenx, byaujsi caensim docih!

  Gij sizcen cibsam bi neix, sawj raeuz doiq gijmaz dwg seveicujyi、baenzlawz bae hwnqguh seveicujyi, hwnqguh yiengh dangj lawz、baenzlawz bae hwnqguh dangj roxyiuj ndaej engq laeg, rom ndaej gij gingniemh cibfaen dijbauj.

  (1) Genhciz aeu Dwng Siujbingz Lijlun guh cijdauj, mboujduenh doicaenh lijlun cauhmoq. Dwng Siujbingz Lijlun dwg mbaw geizhauh raeuz, gij gihbwnj lohsienq caeuq gihbwnj ganghlingj aen dangj dwg aen gaenbonj cijcinh gak hangh gunghcoz raeuz. Mboujlwnh bungz gijmaz gunnanz caeuq fung’yiemj, cungj itdingh aeu giendingh mbouj bienq bae ciuq hengz gij gihbwnj lijlun、gihbwnj lohsienq caeuq gihbwnj ganghlingj aen dangj. Genhciz yungh Majgwzswh-Lezningzcujyi、Mauz Cwzdungh Swhsiengj caeuq Dwng Siujbingz Lijlun daeuj vujcangh daengx dangj、gyauyuz yinzminz, mboujduenh gaijfang swhsiengj、saedsaeh gouz dwg, caeuq seizdaih caez baenaj、gvakloh cauhmoq, gingqcungh gij cauhmoq cingsaenz ginzcung, doenggvaq sizcen daeuj genjyen caeuq fazcanj gij lijlun caeuq lohsienq fuengcim cwngcwz aen dangj.

  (2) Genhciz aeu ginghci gensez guh cungsim, yungh aen banhfap fazcanj bae gaijgez gij vwndiz mwh baenaj bungzdaengz haenx. Fazcanj dwg aen dauhleix buek mbouj laemx ndeu. Itdingh aeu gaemdawz sojmiz seizgei gyavaiq fazcanj. Fazcanj aeu miz siengjfap moq. Genhciz aen fuengcim gyadaih ndaw guek sihgiuz, saedhengz gohgyau hwng guek caeuq ndaej lienzdaemh fazcanj canloz, saedyienh suzdu caeuq gezgou、cizlieng、yauyiz dox doengjit, ginghci fazcanj caeuq yinzgouj、swhyenz、vanzging dox hezdiuz. Youq gwnz giekdaej ginghci fazcanj, coicaenh ndawbiengz cienzmienh cinbu, mboujduenh daezsang yinzminz swnghhoz suijbingz, baujcwng yinzminz ndaej itheij yiengjsouh fazcanj cingzgoj.

  (3) Genhciz gaijgwz hailangh, mboujduenh laeb caezcienz yiengh hawciengz ginghci dijci seveicujyi. Gaijgwz hailangh dwg diuz roen ndaej hawj guekgya giengzdaih. Itdingh aeu giendingh mboujbienq bae doicaenh gak fuengmienh gaijgwz. Gaijgwz aeu daj saedsaeh hwnjdin, daengxbuenz doicaenh, cungdenj duzbo, ciuq bouhloh cugciemh guh roengzbae, yawjnaek cidu gensez caeuq cauhmoq. Genhciz aen gaijgwz fueng’yiengq gauj seveicujyi hawciengz ginghci, sawj hawciengz youq guekgya hungzgvanh diuzgung lajde doiq swhyenz boiqbaij fazveih gihcujsing cozyungh. Genhciz “daz haeujdaeuj” caeuq “byaij okbae” dox giethab, cizgiz camgya gozci ginghci gisuz doxgap caeuq gingcwngh, mboujduenh daezsang doiq rog hailangh suijbingz.

  (4) Genhciz seiq hangh gihbwnj yenzcwz, fazcanj seveicujyi minzcuj cwngci. Seiq hangh gihbwnj yenzcwz dwg aen goek laeb guek. Genhciz Cungguek Gungcanjdangj lingjdauj, gyamaenh caeuq laeb caezcienz aen gozdij yinzminz minzcuj conhcwng caeuq aen cwngdij yinzminz daibyauj daihhoih cidu, genhciz caeuq laeb caezcienz aen cidu lai dangj doxgap caeuq cwngci hezsangh youz gungcanjdangj lingjdauj caeuq aen cidu minzcuz gihyiz swci. Doicaenh cwngci dijci gaijgwz, fazcanj minzcuj, laeb caezcienz fazci, ciuq fap guenj guek, hwnqguh seveicujyi fazci guekgya, baujcwng yinzminz ndaej hengzsawj gij gienzleih danggya guhcawj.

  (5) Genhciz vuzciz vwnzmingz caeuq cingsaenz vwnzmingz song fwngz ca, saedhengz ciuq fap guenj guek caeuq yungh daek guenj guek dox giethab. Seveicujyi cingsaenz vwnzmingz, dwg yiengh seveicujyi miz daegsaek Cungguek haenx aen daegbied geiqhauh youqgaenj de. Itdingh aeu daj gij yienhsaed Cungguek bae naemj, ciepswnj minzcuz vwnzva youhsiu conzdungj, supaeu guekwnq gij vwnzva cingzgoj doiq raeuz mizik haenx, hwnqguh seveicujyi cingsaenz vwnzmingz, mboujduenh daezsang gij swhsiengj daudwz suciz caeuq gohyoz vwnzva suciz daengx minzcuz, vih yendaiva gensez daezhawj gij cingsaenz doenghlig caeuq ciliz cihciz giengzdaih.

  (6) Genhciz aen fuengcim onjdingh youqgaenj gvaq sojmiz saehcingz, cingqdeng cawqleix gij gvanhaeh gaijgwz fazcanj onjdingh. Yaek gaijgwz caeuq fazcanj, sien aeu miz onjdingh. Aeu dawz gij ligdoh gaijgwz、gij suzdu fazcanj caeuq gij cingzdoh ndawbiengz swngzsouh ndaej haenx doengjit hwnjdaeuj,dawz mboujduenh gaijndei yinzminz swnghhoz, dangguh cawqleix gaijgwz fazcanj onjdingh gvanhaeh ndawde diemj dox giethab youqgaenj de, youq ndawbiengz onjdingh ndawde doicaenh gaijgwz fazcanj, doenggvaq gaijgwz fazcanj coicaenh ndawbiengz onjdingh.

  (7) Genhciz dangj doiq bingdoih guh cezdui lingjdauj, byaij diuz roen cingbing miz daegsaek Cungguek. Yinzminz bingdoih couh dangq ndaek saeu dingj maenh yinzminz minzcuj conhcwng. Ciuq aen cungj iugouz cwngci habgek、bingsaeh maenh’ak、cozfungh gig ndei、gijliz yiemzmingz、baujcang daeklig, aeu coengz hoenx ndaej hingz、mbouj bienqcaet bae guh dajsuenq, yawjnaek aeu gohgi sawj bingdoih giengzak, cienzmienh doicaenh gwzmingva yendaiva cwnggveihva gensez, saedbauj bingdoih ciengzlwenx doiq dangj cungcig, doiq seveicujyi cungcig, doiq guekcoj cungcig, doiq yinzminz cungcig.

  (8) Genhciz comzgiet sojmiz gij ligliengh ndaej comzgiet haenx, mboujduenh demgiengz Cunghvaz Minzcuz ningzciliz. Yaengx sang mbaw geizhauh aigozcujyi、seveicujyi, gyagiengz daengx guek gak cuz yinzminz daih doxgiet, gyamaenh caeuq fazcanj aen gyaezguek doengjit cansen ceiq gvangqlangh haenx. Gyagiengz caeuq minzcuj dangjbai dem gyoengq yinzsw fouz dangjbai haenx doxgiet, guh ndei minzcuz gunghcoz、cunghgyau gunghcoz caeuq gyauzvu gunghcoz, genhciz diuz fuengcim “aen guekgya ndeu song cungj cidu”, diuhdoengh sojmiz cizgiz yinhsu, vih guhbaenz guekcoj doengjit daihnieb caeuq sawj Cunghvaz Minzcuz ndaej daih dauqhwng bae doengzcaez haenqrengz guh.

  (9) Genhciz aen huzbingz vaigyauh cwngcwz doglaeb gag guhcawj, henhoh seiqgyaiq huzbingz caeuq coicaenh doengzcaez fazcanj. Seizseiz cungj dawz guekgya cawjgienz caeuq ancienz cuengq youq vih daih’it. Youq gwnz giek huzbingz caemhyouq haj hangh yenzcwz, caeuq gak guek fazcanj doxndei doxgap gvanhaeh, fanjdui bagenzcujyi caeuq giengzgienz cwngci, doidoengh laebhwnj aen gozci cwngci ginghci cizsi moq goengcingq hableix haenx. Ciuq aen fuengcim simdingh cazyawj、simdingh wngqdoiq caeuq aen cingsaenz dox gingqcungh、gouz gij doxdoengz ce gij mboujdoengz, bae cawqleix gij saehcingz gwnz seiqgyaiq, yawjgvenq seiqgyaiq lai cungj lai yiengh, coicaenh gozci gvanhaeh minzcujva, ceng’aeu gozci vanzging huzbingz caeuq seiqhenz vanzging dingh ndei.

  (10) Genhciz gyagiengz caeuq gaijndei aen dangj lingjdauj, cienzmienh doicaenh hangh gunghcwngz hungmbwk moq aen dangj gensez. Guenj guek itdingh aeu sien guenj dangj, guenj dangj itdingh aeu coengzyiemz. Genhciz gij singciz caeuq cunghcij aen dangj, yungh gij cingsaenz gaijgwz daeuj gyagiengz caeuq gaijndei aen dangj gensez, mboujduenh daezsang gij lingjdauj suijbingz caeuq gaemgienz suijbingz aen dangj, daezsang gij naengzlig dingj nduk fuengz bienq caeuq dingjdangj fung’yiemj, genhciz mbouj cuengqsoeng bae guh fanj nduknaeuh doucwngh, baujciz dangj caeuq yinzminz ginzcung gij gvanhaeh gig gaenjmaed haenx, baujciz aen dangj senhcinsing、cunzgezsing caeuq doxgiet doengjit.

  Cib diuz gwnzneix, dwg gij gihbwnj gingniemh dangj lingjdauj yinzminz hwnqguh yiengh seveicujyi miz daegsaek Cungguek itdingh aeu genhciz haenx. Doengh gij gingniemh neix, lienzhaeh gij lizsij gingniemh dangj laebbaenz doxdaeuj, gyonj hwnjdaeuj couh dwg, dangj raeuz itdingh aeu seizseiz daibyauj gij fazcanj iugouz Cungguek senhcin swnghcanjliz, daibyauj aen fueng’yiengq baenaj Cungguek senhcin vwnzva, daibyauj gij gaenbonj leih’ik Cungguek ceiq guengjdaih yinzminz. Yaek genhciz caeuq fazcanj seveicujyi, couh itdingh aeu yienghneix guh. Dangj raeuz ginggvaq sinhoj damqra caeuq sizcen hungmbwk, cij ndaej ok aen gietlwnh bietyienz baenzneix.

  
[1] [2] [3] [4] [5] [6] [7] [8] [9] [10]
 
Dozsiengq