Nda Guh YiebdaeuzYolouz RoengzdaeujAen Saenqsieng Bouxbien
YiebdaeuzYinzminzvangjSawmungzgujSawcangqcuzSawveizvuzwjSawhahsazgwzSawcauzsenhSawyizcuz

YAENGX SANG MBAW GEIZHAUH HUNGMBWK YIENGH SEVEICUJYI MIZ DAEGSAEK CUNGGUEK, VIH DUED’AEU CIENZMIENH HWNQGUH AEN BIENGZ SIUJGANGH CAIQ NDAEJ HINGZ BAE HAENQRENGZ BUEK GUH 5

——Gij Baugau Youq Gwnz Aen Daihhoih Cungguek Gungcanjdangj Daih Cibcaet Baez Daengx Guek Daibyauj Davei
( 2007 nienz 10 nyied 15 hauh)

Huz Ginjdauh
  
【Cihsaw Hung’iq : hung rauh iq】  Dajyaenq
      
  5、Coihcaenh Gozminz Ginghci Fazcanj Ndaej Youh Ndei Youh Vaiq Bae

  Saedyienh aen ginghci fazcanj muzbyauh daengzcog, ceiq youqgaenj dwg aeu youq doengh fuengmienh gyavaiq cienjbienq ginghci fazcanj fuengsik、laebndei yiengh hawciengz ginghci dijci seveicujyi ndaej miz cincanj hungnaek. Aeu daihlig doicaenh ginghci gezgou canlozsing diuzcingj, engqgya yawjnaek daezsang gij naengzlig gag cauhmoq、daezsang gij suijbingz mbaet yungh nwngzyenz baujhoh vanzging、daezsang ginghci cingjdaej suciz caeuq gozci gingcwngh naengzlig. Aeu gyalaeg yinsiz gij gvilwd yiengh hawciengz ginghci seveicujyi, coengz cidu fuengmienh engq ndei bae fazveih hawciengz youq swhyenz boiqbaij ndawde aen gihcujsing cozyungh haenx, cauxbaenz aen hungzgvanh diuzgung dijhi ndei hawj gohyoz fazcanj ndeu.

  (1) Daezsang gij naengzlig gag cauhmoq, hwnqguh yiengh guekgya ak cauhmoq. Neix dwg aen haedsim guekgya fazcanj canloz, dwg daezsang gyoebhab gueklig bouh ceiq youqgaenj de. Aeu genhciz byaij diuz roen gag cauhmoq miz daegsaek Cungguek, dawz gyagiengz gij naengzlig gag cauhmoq gvancez daengz yendaiva gensez gak aen fuengmienh bae. Nyinhcaen lozsiz guekgya cunggeiz ciengzgeiz gohyoz caeuq gisuz fazcanj gveihva ganghyau, gyadaih douzhaeuj bae gag cauhmoq, haenqrengz gungroengz doengh gij gvanhgen gisuz hanhhaed ginghci ndawbiengz fazcanj haenx. Gyavaiq hwnqguh guekgya cauhmoq dijhi, cihciz gihcuj yenzgiu、cenzyenz gisuz yenzgiu、ndawbiengz goeng’ik gisuz yenzgiu. Gyavaiq laebhwnj yiengh gisuz cauhmoq dijhi aeu giyez guh cawjdaej、hawciengz guh daujyang、swnghcanj sonhag yenzgiu dox giethab haenx, dazyinx caeuq cihciz gij yausu cauhmoq conz haeuj giyez bae, coicaenh gohgi cingzgoj yiengq yienhsaed swnghcanjliz cienjvaq. Gyalaeg gohgi guenjleix dijci gaijgwz, youhva gohgi swhyenz boiqbaij, laeb caezcienz gij fazci baujcang、cwngcwz dijhi、gikleih gihci、hawciengz vanzging gujli gisuz cauhmoq caeuq gohgi cingzgoj canjyezva haenx. Saedhengz cihsiz canjgienz canloz. Cungfaen leihyungh gij gohgi swhyenz rog guek. Caenh’itbouh cauxbaenz aen vanzging gujli cauhmoq, roengzrengz son’gyauq ok gij gohyozgyah youq gwnz seiqgyaiq ak daih’it caeuq gij vunzcaiz miz bonjsaeh daiqdaeuz gauj gohgi haenx, yawjnaek gungganq gij vunzcaiz ak cauhmoq daih’it sienq, sawj gij dungxcaiz cauhmoq daengx biengz dauqcawq doxcanj biuconh、gij vunzcaiz ak cauhmoq gak fuengmienh daihliengh danh okdaeuj.

  (2) Gyavaiq cienjbienq ginghci fazcanj fuengsik, doidoengh canjnieb gezgou youhva swnggaep. Neix dwg aen canloz yinvu gaenjbik youh hungnaek gvanhaeh gozminz ginghci daengxbuenz haenx. Aeu genhciz byaij diuz roen gunghyezva yienghmoq miz daegsaek Cungguek, genhciz diuz fuengcim gyadaih gij sihgiuz daegbied dwg gij siuhfei sihgiuz ndaw guek, coicaenh ginghci demmaj coengz cujyau baengh douzswh、cuzgouj ragdoengh cienjbienq baenz baengh siuhfei、douzswh、cuzgouj hezdiuz ragdoengh, coengz cujyau baengh daihngeih canjnieb daiqdoengh cienjbienq baenz baengh daih’it、daihngeih、daihsam canjnieb gapdoengz daiqdoengh, coengz cujyau baengh gyalai vuzciz swhyenz siuhauq cienjbienq baenz cujyau baengh gohgi cinbu、bouxguhhong suciz daezsang、guenjleix cauhmoq. Fazcanj yienhdaih canjnieb dijhi, daihlig doicaenh sinsizva caeuq gunghyezva yungzhab, coicaenh gunghyez daj hung bienq ak, saenqhwng canghbei cauhguh hangznieb, raengcawz gij swnghcanj naengzlig doeklaeng; daezswng gauhsinh gisuz canjnieb, fazcanj saenqsik、swnghvuz、caizliuh moq、hangzgungh hangzdenh、haijyangz daengj canjnieb; fazcanj yienhdaih fuzvu hangznieb, daezsang gij bijcung caeuq suijbingz fuzvu hangznieb; gyagiengz hwnqguh gihcuj canjnieb caeuq gihcuj sezsih, gyavaiq fazcanj yienhdaih nwngzyenz canjnieb caeuq gyoebhab daehyinh dijhi. Saedbauj canjbinj caetliengh caeuq ancienz. Gujli fazcanj gij giyez cizdonz hung miz gozci gingcwngh naengzlig haenx.

  (3) Dungjcouz hawsingz lajmbanj fazcanj, doicaenh hwnqguh yiengh lajmbanj moq seveicujyi. Gaijgez ndei gij vwndiz nungzyez、nungzcunh、nungzminz, gvanhaeh daengz aen daihbuenz cienzmienh hwnqguh aen biengz siujgangh, bietdingh aeu itcig cungj dangguh daengx dangj gij gunghcoz youqgaenj haenx hangh ceiq youqgaenj de. Aeu gyagiengz nungzyez giekdaej diegvih, byaij diuz roen nungzyez yendaiva miz daegsaek Cungguek, laebhwnj gij gihci ciengzgeiz mizyauq bae aeu gunghyez bae coicaenh nungzyez、aeu hawsingz bae daiqdoengh lajmbanj haenx, cauxbaenz aen gwzgiz moq hawsingz lajmbanj ginghci ndawbiengz fazcanj yizdijva. Genhciz dawz fazcanj yienhdaih nungzyez、gaujhoengh gij ginghci lajmbanj dangguh aen yinvu youqgaenj daih’it, gyagiengz hwnqguh gij gihcuj sezsih lajmbanj, laeb caezcienz gij hawciengz dijhi caeuq nungzyez fuzvu dijhi lajmbanj. Gyadaih gij cwngcwz ligdoh bang nungzyez ik nungzyez haenx, yiemzgek baujhoh reihnaz, gyalai nungzyez douzhaeuj, coicaenh nungzyez gohgi cinbu, demgiengz nungzyez gyoebhab swnghcanj naengzlig, saedbauj guekgya haeuxgwn ancienz. Gyagiengz fuengzre gaemhanh gij binghraq doenghgo doenghduz, daezsang nungzcanjbinj caetliengh ancienz suijbingz. Aeu coicaenh nungzminz demsou guh haedsim, fazcanj yanghcin giyez, gaujhoengh gij ginghci yienhfaenh, lai roenloh hawj nungzminz gaijhangz couhnieb. Daezsang banggungz haifat suijbingz. Gyalaeg lajmbanj gyoebhab gaijgwz, doicaenh lajmbanj ginhyungz dijci gaijgwz caeuq cauhmoq, gaijgwz cizdij linzgenz cidu. Genhciz gij gihbwnj ginghyingz cidu lajmbanj, onjdingh caeuq laebndei diegdeih cwngzbauh gvanhaeh, ciuq aen yenzcwz ciuq faplwd gagnyienh miz daiqgyaq, laeb caezcienz diegdeih cwngzbauh ginghyingzgenz riuzcienj hawciengz, doengh giz deihfueng miz diuzgienh de ndaej fazcanj yiengh habdoh gveihmoz ginghyingz lai cungj hingzsik. Damqra cizdij ginghci mizyauq saedyienh hingzsik, fazcanj nungzminz conhyez hozcoz cujciz, cihciz nungzyez canjyezva ginghyingz caeuq lungzdouz giyez fazcanj. Gungganq yiengh nungzminz moq miz vwnzva、rox gisuz、rox ginghyingz haenx, hawj ik fanh nungzminz youq ndaw hwnqguh lajmbanj moq fazveih cawjdaej cozyungh.

  (4) Gyagiengz mbaet yungh nwngzyenz swhyenz caeuq baujhoh swnghdai vanzging, gyaak gij naengzlig ndaej lienzdaemh fazcanj. Genhciz hangh gihbwnj gozcwz mbaet yungh swhyenz caeuq baujhoh vanzging, gvanhaeh daengz gij leih’ik nemndang yinzminz ginzcung caeuq gij senglix fazcanj aen Cunghvaz Minzcuz. Bietdingh aeu dawz hwnqguh yiengh aen biengz mbaet yungh swhyenz、vanzging huzndei haenx, cuengq youq gunghyezva、yendaiva fazcanj canloz ndawde aen diegvih youqgaenj bae, lozsiz daengz moix aen danhvei、moix gyadingz bae. Aeu laebndei gij faplwd caeuq cwngcwz ndei bae mbaet yungh nwngzyenz swhyenz caeuq baujhoh swnghdai vanzging haenx, gyavaiq cauxbaenz gij dijci gihci ndaej lienzdaemh fazcanj. Lozsiz mbaet yungh nwngzyenz gemjnoix baizcuengq gunghcoz cwzyinci. Haifat caeuq doigvangq gij gisuz senhcin habyungh ndaej mbaet yungh、dingjlawh、sinzvanz leihyungh caeuq ceihleix uqlah haenx, fazcanj gij nwngzyenz cinghseuq caeuq gij nwngzyenz ndaej caiqseng, baujhoh gij swhyenz diegdeih caeuq raemx, hwnqguh gij nwngzyenz swhyenz leihyungh dijhi gohyoz hableix, daezsang nwngzyenz swhyenz leihyungh yauliz. Fazcanj vanzbauj canjnieb. Gyadaih douzhaeuj bae mbaet yungh nwngzyenz baujhoh vanzging, cungdenj gyagiengz fuengzceih raemx、hoengqheiq、doemnamh daengj uqlah, gaijndei gij vanzging vunz youq hawsingz caeuq lajmbanj. Gyagiengz hwnqguh suijli、linzyez、diegnywj, gyagiengz ceihleix gij diegdeih bienq req bienq fwz, coicaenh swnghdai dauqcungz hoizfuk. Gyagiengz hwnqguh gij naengzlig wngqdoiq mbwnheiq bienqvaq, vih baujhoh gij mbwnheiq daengx aen digiuz guh’ok gung’yen moq.

  (5) Doidoengh gihyiz hezdiuz fazcanj, youhva diegguek haifat gwzgiz. Suksiuj gihyiz fazcanj cengca, bietdingh aeu yawjnaek saedyienh gihbwnj goenggungh fuzvu bienq bingzyaenz bae, dazyinx swnghcanj yausu hamj gihyiz hableix riuzdoengh. Aeu laebdaeb saedhengz gihyiz fazcanj cungjdaej canloz, haeujlaeg doicaenh fueng dieg baihsae daih haifat, cienzmienh saenqhwng fueng dieg doengbaek daengj laux gunghyez gihdi, daihlig coicaenh fueng dieg cungqgyang hwnghwnj, cizgiz cihciz fueng dieg baihdoeng fazcanj bae gaxgonq. Gyagiengz diegguek gveihva, ciuq aen iugouz cauxbaenz cawjdaej gunghnwngzgih, laebndei gihyiz cwngcwz, diuzcingj ginghci baijbouh. Ciuq gij gvilwd hawciengz ginghci, dwkboed hingzcwng gihva gyaiqhanh, cauhbaenz lai aen ginghcigenh caeuq ginghcidai daiqdoengh naengzlig giengz、lienzhaeh gaenjmaed haenx. Gij hanghmoeg hungnaek baijbouh, aeu cungfaen naemj daengz cihciz fueng dieg cungqgyang caeuq fueng dieg baihsae fazcanj, gujli fueng dieg baihdoeng daiqdoengh caeuq bangcoh fueng dieg cungqgyang caeuq fueng dieg baihsae fazcanj. Gyadaih ligdoh bae bangfuz giz dieg gwzming laujgih、giz dieg siujsoq minzcuz、giz dieg henzguek、giz dieg gungzhoj fazcanj. Bangcoh giz dieg swhyenz aeu raeg haenx saedyienh ginghci cienjhingz. Engq ndei fazveih ginghci dwzgih、Sanghaij Bujdungh Sinhgih、Denhcinh Binhhaij Sinhgih youq ndaw gaijgwz hailangh caeuq gag cauhmoq gij cozyungh youqgaenj de. Byaij diuz roen cwngzcinva miz daegsaek Cungguek, ciuq aen yenzcwz dungjcouz hawsingz lajmbanj、baijbouh hableix、mbaet yungh diegdeih、goengnaengz caezcienz、aeu hung daz iq, coicaenh gij cwngzsi hung、rauh、iq caeuq haw iq hezdiuz fazcanj. Aeu demgiengz gyoebhab cangcoux naengzlig guh cungdenj, ingbaengh doengh aen hawsingz daegbied hung, cauxbaenz gij hawsingz gyoengq fuzse cozyungh daih haenx, gungganq gyaeuj ginghci didmaj moq.

  (6) Laeb caezcienz gihbwnj ginghci cidu, laeb ndei yienhdaih hawciengz dijhi. Genhciz caeuq laeb caezcienz yiengh gihbwnj ginghci cidu aeu gunghyoujci guh cawjdaej、lai cungj sojyoujci ginghci doengzcaez fazcanj haenx, it di mbouj doenghngauz bae gyamaenh caeuq fazcanj gunghyoujci ginghci, it di mbouj doenghngauz bae gujli、cihciz、dazyinx feihgunghyoujci ginghci fazcanj, genhciz bingzdwngj baujhoh huqgienz, cauxbaenz aen gwzgiz moq gak cungj sojyoujci ginghci bingzdwngj gingcwngh、doxcoi doxcaenh haenx. Gyalaeg guekmiz giyez gunghswhci gujfwnci gaijgwz, laeb caezcienz yienhdaih giyez cidu, youhva guekmiz ginghci baijbouh caeuq gezgou, hawj guekmiz ginghci lai miz rengzhoengh、lai miz rengz gaemhanh、lai miz rengz yingjyangj. Gyalaeg gaijgwz doengh gij hangznieb gagciemq, yinxhaeuj gingcwngh gihci, gyagiengz cwngfuj gamguenj caeuq ndawbiengz gamduk. Gyavaiq hwnqguh guekmiz swhbwnj ginghyingz yawhsuenq cidu. Laeb caezxienz gak loih guekmiz swhcanj guenjleix dijci caeuq cidu. Doicaenh cizdij giyez gaijgwz, fazcanj gij cizdij ginghci、hozcoz ginghci miz lai cungj hingzsik haenx. Doicaenh goengbingz cinjhaeuj, gaijndei yungzswh diuzgienh, buqcawz dijci gazgiengh, coicaenh godij、swhyingz ginghci caeuq gij giyez rauh iq fazcanj. Aeu yienhdaih canjgienz cidu guh giekdaej, fazcanj yiengh ginghci miz lai cungj sojyoujci doxgyaux haenx. Gyavaiq cauxbaenz aen yienhdaih hawciengz dijhi doengjit hailangh gingcwngh mbouj luenh haenx, fazcanj gak loih swnghcanj yausu hawciengz, laeb caezcienz yiengh swnghcanj yausu caeuq swhyenz gyagwz cauxbaenz gihci ndaej fanjyingj hawciengz gunggouz gvanhaeh、swhyenz giepnoix cingzdoh、vanzging sonjhaih cingzbonj haenx, gveihfan fazcanj hangznieb hezvei caeuq hawciengz cunghgai cujciz, laeb caezcienz ndawbiengz saenqyungh dijhi.

  (7) Gyalaeg caizsui、ginhyungz daengj dijci gaijgwz, laebndei hungzgvanh diuzgung dijhi. Hopheux doicaenh gihbwnj goenggungh fuzvu bienq bingzyaenz bae caeuq cawjdaej gunghnwngzgih gensez, laeb caezcienz goenggungh caizcwng dijhi. Gyalaeg yawhsuenq cidu gaijgwz, giengzvaq yawhsuenq guenjleix, laeb caezcienz yiengh dijci cunghyangh caeuq deihfueng caizlig dem saehgienz doxboiq ndaej ngamj haenx, gyavaiq cauxbaenz yiengh caizcwng senjdieg ceihawj cidu doengjit gveihfan ronghcingx, daezsang itbuensingq senjdieg ceihawj gveihmoz caeuq beijlaeh, gyadaih goenggungh fuzvu lingjyiz douzhaeuj. Laeb caezcienz gij caizcwng dijci sengjgaep doxroengz, demgiengz gihcwngz cwngfuj gij naengzlig daezhawj goenggungh fuzvu de. Saedhengz gij caizsui cidu ndei hawj gohyoz fazcanj haenx, laeb hwnj laeb caezcienz gij cidu miz daiqgyaq bae sawjyungh swhyenz caeuq gij gihci doiq swnghdai vanzging guh boizbouj. Doicaenh ginhyungz dijci gaijgwz, fazcanj gak loih ginhyungz hawciengz, cauxbaenz yiengh yienhdaih ginhyungz dijhi miz lai cungj sojyoujci caeuq lai cungj ginghyingz hingzsik、gezgou hableix、goengnaengz caezcienz、yauliz sang youh ancienz haenx. Daezsang gij gingcwngh naengzlig ngaenzhangz hangznieb、cwnggen hangznieb、baujyiemj hangznieb. Youhva swhbwnj hawciengz gezgou, lai roenloh bae daezsang aen bijcung cigciep yungzswh. Gyagiengz caeuq gaijndei ginhyungz gamguenj, fuengzre caeuq vaqgej ginhyungz fung’yiemj. Laeb caezcienz yinzminzbi veiliz cauxbaenz gihci, cugbouh saedyienh swhbwnj hanghmoeg ndaej caujvuenh. Gyalaeg douzswh dijci gaijgwz, laeb caezcienz caeuq yiemzgek hawciengz cinjhaeuj cidu. Laeb caezcienz guekgya gveihva dijhi. Youq ndaw hungzgvanh diuzgung fazveih guekgya fazcanj gveihva、giva、canjnieb cwngcwz gij daujyang cozyungh de, gyoebhab yinhyungh caizcwng、hobi cwngcwz, daezsang hungzgvanh diuzgung suijbingz.

  (8) Dawz doiq rog hailangh guh ndaej engq gvangq engq laeg bae, daezsang gij suijbingz yiengh ginghci hailangh. Genhciz hangh gihbwnj gozcwz doiq rog hailangh, dawz “daz haeujdaeuj” caeuq “byaij okbae” engq ndei giethab hwnjdaeuj, gyagvangq hailangh lingjyiz, youhva hailangh gezgou, daezsang hailangh caetliengh, laeb caezcienz yiengh ginghci dijhi hailangh youh ndaw rog lienzdoengh、doxik caez hingz、ancienz youh yauliz sang haenx, cauxbaenz gij youhsi moq youq baihlaj yiengh diuzgienh ginghci cenzgiuzva bae caeuqfaenh guh gozci ginghci hozcoz caeuq gingcwngh haenx. Gyalaeg henzhaij hailangh, gyavaiq neidi hailangh, daezswng henzguek hailangh, saedyienh doiq ndaw doiq rog hailangh dox coicaenh. Gyavaiq cienjbienq vaimou demmaj fuengsik, baengh caetliengh bae hingz vunz, diuzcingj cingouj cuzgouj gezgou, coicaenh gyagoeng mouyiz cienjhingz swnggaep, daihlig fazcanj fuzvu mouyiz. Cauhmoq gij leihyungh fuengsik vaiswh, youhva gij gezgou leihyungh vaiswh, fazveih leihyungh vaiswh youq doidoengh gag cauhmoq、canjnieb swnggaep、gihyiz hezdiuz fazcanj daengj fuengmienh gij cozyungh cizgiz de. Cauhmoq doiq rog douzswh caeuq hozcoz fuengsik, cihciz giyez youq yenzgiu haifat、swnghcanj、siugai daengj fuengmienh guh gozciva ginghyingz, gyavaiq gungganq gij gunghswh hamj guek caeuq gij binjbaiz youq gwnz gozci mizmingz guek raeuz. Cizgiz bae guh gozci nwngzyenz swhyenz doxik hozcoz. Saedhengz swyouz mouyizgih canloz, gyagiengz song mbiengj lai mbiengj ginghci mouyiz hozcoz. Yungh gyoebhab cosih coicaenh gozci soucei daihdaej doxdaengh. Yawjnaek fuengzre gozci ginghci fung’yiemj.

  Saedyienh gozminz ginghci youh ndei youh vaiq fazcanj, bietdingh yaek caenh’itbouh gyagiengz gij ginghci saedlig guek raeuz, sawj gij rengzhoengh giengzdaih yiengh hawciengz ginghci seveicujyi biujyienh ndaej engq gaeuqdoh engq sienmingz bae.

  
[1] [2] [3] [4] [5] [6] [7] [8] [9] [10] [11] [12]
 
Dozsiengq