Nda Guh YiebdaeuzYolouz RoengzdaeujAen Saenqsieng Bouxbien
YiebdaeuzYinzminzvangjSawmungzgujSawcangqcuzSawveizvuzwjSawhahsazgwzSawcauzsenhSawyizcuz

YAENGX SANG MBAW GEIZHAUH HUNGMBWK YIENGH SEVEICUJYI MIZ DAEGSAEK CUNGGUEK, VIH DUED’AEU CIENZMIENH HWNQGUH AEN BIENGZ SIUJGANGH CAIQ NDAEJ HINGZ BAE HAENQRENGZ BUEK GUH 3

——Gij Baugau Youq Gwnz Aen Daihhoih Cungguek Gungcanjdangj Daih Cibcaet Baez Daengx Guek Daibyauj Davei
( 2007 nienz 10 nyied 15 hauh)

Huz Ginjdauh
  
【Cihsaw Hung’iq : hung rauh iq】  Dajyaenq
      
  3、Haeujlaeg Gvancez Lozsiz Gohyoz Fazcanjgvanh

  Youq giz fazcanj duenhmbaek moq laebdaeb cienzmienh hwnqguh aen biengz siujgangh、fazcanj yiengh seveicujyi miz daegsaek Cungguek, bietdingh aeu genhciz yungh Dwng Siujbingz Lijlun caeuq “Sam Aen Daibyauj” Cung’yau Swhsiengj guh cijdauj, haeujlaeg gvancez lozsiz gohyoz fazcanjgvanh.

  Gohyoz fazcanjgvanh, dwg doiq aen dangj raeuz sam daih cunghyangh lingjdauj cizdij gij swhsiengj youqgaenj gvendaengz fazcanj haenx gij ciepswnj caeuq fazcanj de, dwg Majgwzswhcujyi gij sigaigvanh caeuq fanghfazlun gvendaengz fazcanj haenx gij cizcungh daejyienh de, dwg aen gohyoz lijlun caeuq Majgwzswh-Lezningzcujyi、Mauz Cwzdungh Swhsiengj、Dwng Siujbingz Lijlun、“Sam Aen Daibyauj” Cung’yau Swhsiengj gawq caemh diuz meg ndeu dox ciepswnj youh caeuq seizdaih caez baenaj haenx, dwg diuz fuengcim youqgaenj cijdauj gij ginghci ndawbiengz guek raeuz fazcanj, dwg aen canloz swhsiengj hungnaek youq mwh bae fazcanj yiengh seveicujyi miz daegsaek Cungguek bietdingh aeu genhciz caeuq gvancez haenx.

  Gohyoz fazcanjgvanh, dwg gaengawq gij gihbwnj guekcingz giz duenhmbaek cogaep seveicujyi, cungjgez gij fazcanj sizcen guek raeuz, beijciuq caeuq hag’aeu gij fazcanj gingniemh guekwnq, hab’wngq gij fazcanj iugouz moq cij daez okdaeuj. Haeuj daengz sigij moq duenhmbaek moq, gij fazcanj guek raeuz yienh’ok baenz gyoengq daegcwng moq faen duenh mbaek haenx, cujyau dwg: Ginghci saedlig mingzyienj lai giengz, doengzseiz swnghcanjliz suijbingz cungjdaej daeuj gangj lij mbouj sang, gij naengzlig gag cauhmoq lij mbouj ak, gij gezgousing mauzdun caeuq gij demmaj fuengsik co’nyauq daj ciengzgeiz roengzdaeuj cauxbaenz haenx lij caengz ndaej daj goekgaen bae gaijbienq; yiengh hawciengz ginghci dijci seveicujyi gaenq cobouh laebbaenz, doengzseiz gij dijci gihci gazngaih yingjyangj fazcanj haenx ciuqyiengh lij mizyouq, gaijgwz daengz bouh hoenxgung giz ceiq hojnanz de roeb gij mauzdun caeuq vwndiz caengzlaeg; yinzminz swnghhoz cungjdaej dabdaengz aen suijbingz siujgangh, doengzseiz aen seiqdaeuz souhaeuj faenboiq cengca gyadaih haenx lij caengz ndaej daj goekgaen bae niujcienj, hawsingz lajmbanj gij vunz gungzhoj caeuq gij vunz souhaeuj noix haenx soqliengh vanzlij maqhuz lai, dungjcouz giem goq gak fuengmienh leih’ik nanzdoh gyadaih; hezdiuz fazcanj aeundaej cingzcik yienhda, doengzseiz yiengh gizmen nungzyez giekdaej buegnyieg、lajmbanj fazcanj nguhlaeng haenx lij caengz ndaej gaijbienq, yaek suksiuj hawsingz lajmbanj cengca、gak dieg fazcanj cengca caeuq coicaenh ginghci ndawbiengz hezdiuz fazcanj, yinvu lij naek dangqmaz; yiengh minzcuj cwngci seveicujyi mboujduenh fazcanj、aen gihbwnj fanghloz ciuq fap ceihleix guekgya ndaej netsaed gvancez, doengzseiz minzcuj fazci gensez caeuq gij iugouz gyadaih yinzminz minzcuj、 gyadaih ginghci ndawbiengz fazcanj haenx lij caengz vanzcienz dox hab’wngq, cwngci dijci gaijgwz aeu laebdaeb gyalaeg; yiengh vwnzva seveicujyi engqgya mwnhoengh, doengzseiz yinzminz cingsaenz vwnzva sihgiuz cix ngoenz beij ngoenz aeu lai, gij swhsiengj hozdung gyoengq vunz bienq ndaej engqgya doglaeb、rox genj、ak bienq、miz cabied, doiq fazcanj yiengh senhcin vwnzva seveicujyi daezok iugouz engq sang; gij rengzhoengh ndawbiengz mingzyienj lai giengz, doengzseiz ndawbiengz gezgou、ndawbiengz cujciz hingzsik、ndawbiengz leih’ik gwzgiz hix fatseng bienqvaq laegdaeuq, ndawbiengz gensez caeuq guenjleix roeb daengz haujlai goqdaez moq; doiq rog hailangh ngoenz beij ngoenz gyadaih, doengzseiz bungz daengz gozci gingcwngh yied ngoenz yied haenqrem, doengh aen guekgya fatdad haenx youq ginghci gohgi fuengmienh ciemq youhsi yiengh atlig neix ciengzgeiz mizyouq, gij fung’yiemj ndaej liuh daengz caeuq nanz ndaej liuh daengz haenx gyalai, dungjcouz ndaw guek fazcanj caeuq doiq rog hailangh iugouz engqgya sang.

  Doengh gij cingzgvang neix biujmingz, ginggvaq Cungguek moq laebbaenz doxdaeuj daegbied dwg gaijgwz hailangh doxdaeuj mboujduenh roengzrengz, guek raeuz aeundaej le gij fazcanj cingzcik sawj daengx seiqgyaiq cungj yiep, daj swnghcanjliz daengz swnghcanj gvanhaeh、daj ginghci gihcuj daengz sangcwngz gencuz cungj fatseng le gij bienqvaq hungnaek eiqngeih laeggyae haenx, hoeng guek raeuz ciuqyiengh lij cawqyouq caemhcaiq yaek ciengzgeiz cawqyouq giz duenhmbaek cogaep seveicujyi, yiengh gihbwnj guekcingz neix mbouj miz gaijbienq, yinzminz doiq vuzciz vwnzva gij sihgiuz de ngoenz lai gvaq ngoenz, hoeng gij swnghcanj ndawbiengz cix lij doeklaeng, aen cujyau mauzdun ndawbiengz neix mbouj miz gaijbienq. Seizneix gij fazcanj guek raeuz aen daegcwng faen duenhmbaek haenx, dwg yiengh gihbwnj guekcingz giz duenhmbaek cogaep seveicujyi youq sigij moq duenhmbaek moq gij gidij biujyienh de. Giengzdiuh yawj cingcuj yiengh gihbwnj guekcingz giz duenhmbaek cogaep seveicujyi, mbouj dwg yaek gag yawjsiuj bonjfaenh、gag cingznyienh bonjfaenh doeklaeng, hix mbouj dwg yaek duetliz saedsaeh、simgaenj gouz baenz vaiq, cix dwg aeu genhciz dawz de dangguh aen gaenbonj baengzgawq bae doicaenh gaijgwz、suenqveh fazcanj. Raeuz bietdingh aeu seizseiz cungj baujciz ukgyaeuj singjsak, gaengawq giz duenhmbaek cogaep seveicujyi aen saedsaeh ceiq daih neix, gohyoz faensik gij seizgei moq diuhcan moq guek raeuz youq mwh cienzmienh caeuqfaenh guh ginghci cenzgiuzva soj yaek roeb daengz haenx, cienzmienh yinsiz gij hingzseiq moq yinvu moq aeu bae haeujlaeg fazcanj gunghyezva、sinsizva、cwngzcinva、sicangzva、gozciva haenx, laegdaeuq dawzdingh gij goqdaez moq mauzdun moq daengj youq dangqnaj gij fazcanj guek raeuz, engqgya gagrox bae byaij diuz roen gohyoz fazcanj, haenqrengz dawz yiengh seveicujyi miz daegsaek Cungguek haenx diuz roennaj fazcanj de hai ndaej engqgya gvangqlangh bae.

  Gohyoz fazcanjgvanh, aen neiyungz youqgaenj daih’it de dwg fazcanj, haedsim dwg dawz bouxvunz dangguh goekdaej, gihbwnj iugouz dwg cienzmienh doxdaengh ndaej lienzdaemh, gaenbonj fuengfap dwg dungjcouz giemgoq.

  —— Bietdingh aeu genhciz dawz fazcanj dangguh aen dangj raeuz gaemgienz hwng guek ndawde hangh hongsaeh youqgaenj daih’it. Fazcanj, doiq cienzmienh hwnqguh aen biengz siujgangh、gyavaiq doicaenh seveicujyi yendaiva, miz gij eiqngeih ndaej gietdingh baenz baih. Aeu gaenjgaenj dawz ndaet ginghci gensez aen cungsim neix, genhciz gyonjcomz goengrengz gauj gensez、itsim iteiq maeuz fazcanj, mboujduenh gaijfang caeuq fazcanj gij swnghcanjliz ndawbiengz. Engq ndei bae saedhengz aen canloz baengh gohgi gyauyuz bae sawj guekgya hwnghoengh、aen canloz baengh vunzcaiz bae sawj guekgya giengzak、aen canloz ndaej lienzdaemh fazcanj, roengzrengz gaemdawz fazcanj gvilwd、cauhmoq fazcanj leixniemh、cienjbienq fazcanj fuengsik、buqgej fazcanj nanzdaez, daezsang fazcanj caetliengh caeuq yauqik, saedyienh youh ndei youh vaiq fazcanj, vih fazcanj yiengh seveicujyi miz daegsaek Cungguek dwkroengz giekdaej gaenjmaenh. Roengzrengz saedyienh yiengh gohyoz fazcanj dawz bouxvunz dangguh goekdaej、cienzmienh doxdaengh ndaej lienzdaemh haenx, saedyienh yiengh huzciz fazcanj gak fuengmienh saehnieb gaenjmaed doengjit、gij vunz ndawbiengz doxgiet doxhuz haenx, saedyienh yiengh huzbingz fazcanj gawq doenggvaq henhoh seiqgyaiq huzbingz bae fazcanj bonjfaenh、youh doenggvaq bonjndang fazcanj bae henhoh seiqgyaiq huzbingz.

  —— Bietdingh aeu genhciz dawz bouxvunz dangguh goekdaej. Cienz im cienzeiq vih yinzminz fuzvu dwg diuz gaenbonj cunghcij aen dangj, sojmiz gij haenqrengz buek guh caeuq sojmiz gij gunghcoz aen dangj raeuz cungj dwg vihliux cauh fuk hawj yinzminz. Aeu seizseiz cungj dawz saedyienh ndei、henhoh ndei、fazcanj ndei gij leih’ik goekgaen gyoengq yinzminz ceiq guengjdaih haenx, dangguh aen muzdiz caeuq gezgoj sojmiz gij gunghcoz dangj caeuq guekgya, gingqcungh gij cawjdaej diegvih gyoengq yinzminz, fazveih gij cingsaenz dajcauh gonq vunz gyoengq yinzminz, baujcang gak hangh gienzik gyoengq yinzminz, byaij diuz roen doengzcaez fouqmiz, coicaenh bouxvunz cienzmienh fazcanj, guh daengz vihliux yinzminz bae fazcanj、baenghgauq yinzminz bae fazcanj、youz yinzminz doengzcaez yiengjsouh gij cingzgoj fazcanj.

  —— Bietdingh aeu genhciz cienzmienh doxdaengh ndaej lienzdaemh fazcanj. Aeu ciuq gij cungjdaej baijbouh yiengh saehnieb seveicujyi miz daegsaek Cungguek, cienzmienh doicaenh ginghci gensez、cwngci gensez、vwnzva gensez、ndawbiengz gensez, coicaenh yendaiva gensez gak aen vanzcez、gak aen fuengmienh guh ndaej doxdaengh, coicaenh swnghcanj gvanhaeh caeuq swnghcanjliz、sangcwngz gencuz caeuq ginghci gihcuj doxdaengh. Genhciz diuz roen vwnzmingz fazcanj guh daengz swnghcanj fazcanj、swnghhoz fouqmiz、swnghdai maenhndei haenx, hwnqguh aen biengz ndaej mbaet yungh swhyenz、vanzging huzndei, saedyienh sukdoh caeuq gezgou caetliengh yauqik dox doengjit、ginghci fazcanj caeuq yinzgouj swhyenz vanzging dox hezdiuz, sawj yinzminz youq ndaw swnghdai vanzging maenhndei bae swnghcanj swnghhoz, saedyienh ginghci ndawbiengz ciengzlwenx lienzdaemh fazcanj.

  —— Bietdingh aeu genhciz dungjcouz giemgoq. Aeu cingqdeng yinsiz caeuq dojdangq cawqleix gij gvanhaeh hungnaek ndaw saehnieb seveicujyi miz daegsaek Cungguek, dungjcouz hawsingz lajmbanj fazcanj、gak dieg fazcanj、ginghci ndawbiengz fazcanj、vunz caeuq swhyienz huzciz fazcanj、ndaw guek fazcanj caeuq doiq rog hailangh, dungjcouz cunghyangh caeuq deihfueng gvanhaeh, dungjcouz gij leih’ik goyinz caeuq gij leih’ik cizdij、gij leih’ik gizbu caeuq gij leih’ik daengxbuenz、gij leih’ik dangqnaj caeuq gij leih’ik gyaeraez, cungfaen diuhdoengh gij cizgizsing gak fuengmienh. Dungjcouz ndaw guek gozci song aen daihbuenz, aeu coengz seiqgyaiq fanveiz bae yawj vwndiz, gyagiengz guh canloz ngeixnaemj, rox daj ndaw gozci hingzseiq fazcanj bienqvaq bae gaemdawz fazcanj seizgei、wngqdoiq fung’yiemj diuhcan, cauxok gozci vanzging maenhndei. Gawq aeu doengjlamx daengxbuenz、dungjcouz suenqveh, youh aeu dawz ndaej doengh gij gunghcoz cawjdaeuz yingjyangj daengxbuenz、doengh gij vwndiz youqgaenj gvanhaeh daengz gij leih’ik cungqvunz haenx, roengzrengz doicaenh、cungdenj dwkboed.

  Haeujlaeg gvancez lozsiz gohyoz fazcanjgvanh, iugouz raeuz seizseiz cungj genhciz diuz gihbwnj lohsienq “aen cungsim ndeu、song aen gihbwnjdenj”. Diuz gihbwnj lohsienq aen dangj dwg diuz minghmeg aen dangj caeuq guekgya, dwg aen cwngci baujcwng bae saedyienh gohyoz fazcanj haenx. Aeu ginghci gensez guh cungsim dwg gauj hwng guekgya ndawde hangh hongsaeh ceiq youqgaenj haenx, dwg aen dangj raeuz、aen guekgya raeuz hwng’vuengh fatdad caeuq ciengzgeiz andingh coengz gaenbonj bae iugouz baenzneix guh; seiq hangh gihbwnj yenzcwz dwg aen goekdaej laeb guek, dwg gij cwngci giekdaej aen dangj raeuz、aen guekgya raeuz baengh de lixyouq caeuq fazcanj haenx; gaijgwz hailangh dwg diuz roen sawj guekgya ndaej giengzak, dwg aen goekmboq rengzhoengh saej aen dangj raeuz、aen guekgya raeuz ndaej fazcanj cinbu haenx. Youq mwh bae guh gij sizcen hungmbwk fazcanj yiengh seveicujyi miz daegsaek Cungguek, aeu genhciz dawz ginghci gensez dangguh cungsim caeuq seiq hangh gihbwnj yenzcwz、gaijgwz hailangh song aen gihbwnjdenj neix doengjit youq ndawde, seizlawz cungj mbouj ndaej doenghngauz.

  Haeujlaeg gvancez lozsiz gohyoz fazcanjgvanh, iugouz raeuz cizgiz cauhlaeb aen biengz huzciz seveicujyi. Ndawbiengz huzciz dwg aen bwnjciz sugsingq yiengh seveicujyi miz daegsaek Cungguek. Gohyoz fazcanj caeuq ndawbiengz huzciz gij bonjcaet de dwg dox doengjit. Mbouj miz gohyoz fazcanj couh mbouj miz ndawbiengz huzciz, mbouj miz ndawbiengz huzciz hix nanz saedyienh gohyoz fazcanj. Cauhlaeb aen biengz huzciz seveicujyi, dwg aen lizsij yinvu ciengzgeiz mizyouq daengx aen gocwngz guh yiengh saehnieb seveicujyi miz daegsaek Cungguek, dwg aen lizsij gocwngz caeuq aen gezgoj ndawbiengz youq gwnz giekdaej fazcanj bae cingqdeng cawqleix gak cungj mauzdun ndawbiengz cij miz okdaeuj haenx. Aeu doenggvaq fazcanj gyalai ndawbiengz vuzciz caizfouq、mboujduenh gaijndei gij swnghhoz yinzminz, youh aeu doenggvaq fazcanj baujcang ndawbiengz goengbingz cingqngeih、mboujduenh coicaenh ndawbiengz huzciz. Saedyienh ndawbiengz goengbingz cingqngeih, dwg aen soqlaiz cawjcieng gyoengq vunz Cungguek Gungcanjdangj, dwg aen yinvu hungnaek bae fazcanj yiengh seveicujyi miz daegsaek Cungguek haenx. Aeu ciuq aen iugouz goekdaeuz guh daengz minzcuj fazci、goengbingz cingqngeih、lauxsaed doxmaij、gig miz rengzhoengh、andingh mbouj luenh、vunz caeuq swhyienz huzciz caemhyouq dem diuz yenzcwz bae doengzcaez hwnqguh、doengzcaez yiengjmiz, roengzrengz gaijgez gij leih’ik vwndiz gyoengq yinzminz ceiq gvansim、ceiq cigciep、ceiq yienhsaed haenx, roengzrengz cauxbaenz aen gizmen daengxcungq yinzminz cungj caenh gij naengzlig swhgeij、cungj ndaej gij ndeicawq swhgeij youh ndaej doxhuz caemh youq haenx, vih fazcanj daezhawj aen vanzging ndawbiengz maenhndei.

  Haeujlaeg gvancez lozsiz gohyoz fazcanjgvanh, iugouz raeuz laebdaeb gyalaeg gaijgwz hailangh. Aeu dawz gij cingsaenz gaijgwz cauhmoq gvancez daengz gak aen vanzcez ceihleix guekgya bae, it di cungj mbouj doenghngauz bae genhciz gaijgwz fueng’yiengq, sawj gaijgwz gezcwz guh ndaej engqgya hab gohyoz, sawj gaijgwz cosih dox boiqhab ndaej engqgya ndei bae. Aeu laeb caezcienz yiengh hawciengz ginghci dijci seveicujyi, doicaenh gak fuengmienh dijci gaijgwz cauhmoq, gyavaiq gij yamqdin gaijgwz doengh aen lingjyiz caeuq vanzcez youqgaenj, cienzmienh daezsang gij suijbingz hailangh, roengzrengz cauhlaeb gij dijci gihci gig miz rengzhoengh、gig miz yauliz、engqgya hailangh、ndei hawj gohyoz fazcanj haenx, vih fazcanj yiengh seveicujyi miz daegsaek Cungguek daezhawj doenghlig giengzdaih caeuq dijci baujcang. Aeu genhciz dawz gaijndei gij swnghhoz yinzminz dangguh giz doxgap bae cingqdeng cawqleix gaijgwz fazcanj onjdingh gvanhaeh haenx, sawj gaijgwz itcig cungj ndaej daengz yinzminz yungjhu caeuq cihciz.

  Haeujlaeg gvancez lozsiz gohyoz fazcanjgvanh, iugouz raeuz cietsaed gyagiengz caeuq gaijndei gij gensez aen dangj. Aeu coengz vihliux sawj aen dangj ndaej guhbaenz diuz sawjmingh gaemgienz hwng guek bae ngeixnaemj, dawz daezsang gij naengzlig gaemgienz aen dangj、baujciz caeuq fazcanj gij senhcinsing aen dangj, daejyienh youq fuengmienh lingjdauj gohyoz fazcanj、coicaenh ndawbiengz huzciz, lozsiz daengz fuengmienh dazyinx Cungguek fazcanj cinbu、engq ndei daibyauj caeuq saedyienh gij leih’ik goekgaen gyoengq yinzminz ceiq guengjdaih haenx bae, sawj gij gunghcoz aen dangj caeuq gij gensez aen dangj engq hab gij iugouz gohyoz fazcanjgvanh, vih gohyoz fazcanj daezhawj gij cwngci caeuq cujciz baujcang baenghndaej.

  Gyoengq dungzci daengx dangj aeu cienzmienh dawzcinj gij gohyoz neihanz caeuq cingsaenz saedcaet gohyoz fazcanjgvanh, lai gagrox caeuq giendingh bae gvancez lozsiz gohyoz fazcanjgvanh, roengzrengz cienjbienq doengh gij swhsiengj gvanhnen mbouj hab mbouj ngamj gohyoz fazcanjgvanh haenx, roengzrengz gaijgez doengh gij vwndiz youqgaenj yingjyangj caeuq hanhhaed gohyoz fazcanj de, dawz gij fazcanj cizgizsing daengx biengz daz hwnj gwnz roen gohyoz fazcanj, dawz gohyoz fazcanjgvanh gvancez lozsiz daengz ginghci ndawbiengz fazcanj ndawde gak aen fuengmienh bae.

  
[1] [2] [3] [4] [5] [6] [7] [8] [9] [10] [11] [12]
 
Dozsiengq