Nda Guh YiebdaeuzYolouz RoengzdaeujAen Saenqsieng Bouxbien
YiebdaeuzYinzminzvangjSawmungzgujSawcangqcuzSawveizvuzwjSawhahsazgwzSawcauzsenhSawyizcuz

AEN CANGHCWNGZ CUNGGUEK GUNGCANJDANGJ Daih 7 cieng gij gijliz aen dangj

(Cungguek Gungcanjdangj Daih Cibcaet Baez Daengx Guek Daibyauj Daihhoih bouhfaenh coihgaij, 2007 nienz 10 nyied 21 hauh doenggvaq)

  
【Cihsaw Hung’iq : hung rauh iq】  Dajyaenq
      
  
Daih 7 Cieng Gij Gijliz Aen Dangj


  Daih 37 diuz Gij gijliz aen dangj dwg gij hingzveiz gveihcwz aen dangj gak gaep cujciz caeuq daengxcungq dangjyenz bietdingh aeu ciuqsouj haenx, dwg gij baujcwng henhoh aen dangj doxgiet doengjit、 guhbaenz gij yinvu aen dangj. Dangj cujciz bietdingh aeu yiemzgek caephengz caeuq henhoh gij gijliz aen dangj, gungcanjdangjyenz bietdingh aeu gagrox ciepsouh gij gijliz aen dangj hanhhaed.

  Daih 38 diuz Dangj cujciz doiq doengh boux dangjyenz famh gijliz aen dangj haenx, wngdang ciuq aen cingsaenz hit gonq re laeng、 yw bingh gouq vunz, ciuq gij singqcaet loengloek caeuq cingzcez naek mbaeu, doiq de guh baebingz gyauyuz cigdaengz gijliz cujfwnh.

  Doengh boux dangjyenz famh hingzsaeh faplwd youqgaenj haenx bietdingh aeu haicawz dangjciz.

  Ndaw dangj yiemzgek gimqhaed yungh gij soujduenh famh dangjcangh caeuq guekgya faplwd haenx bae doiqdaih dangjyenz, yiemzgek gimqhaed dwkceih boizhaemz caeuq bangjlaih amqhaih. Doengh aen cujciz roxnaeuz doengh boux goyinz famh gij gvidingh neix, bietdingh aeu souh daengz gij gijliz aen dangj caeuq gij faplwd guekgya bae cazdawz.

  Daih 39 diuz Gij gijliz cujfwnh aen dangj miz haj cungj: Gingjgau、 yiemzcungh gingjgau、 siuh gij cizvu ndaw dangj bae、 louz dangj cazyawj、 haicawz dangjciz.

  Louz dangj cazyawj ceiq raez mbouj mauhgvaq song bi. Dangjyenz youq louz dangj cazyawj geizgan mbouj miz gij gienz byaujgez、 gij gienz senjgij caeuq gij gienz deng senjgij. Dangjyenz ginggvaq louz dangj cazyawj, danghnaeuz gaenq saedcaih gaijcingq loengloek, wngdang hoizfuk gij gienzleih dangjyenz de; danghnaeuz genhciz loengloek mbouj gaij, wngdang haicawz dangjciz.

  Haicawz dangjciz dwg gij cujfwnh ceiq naek ndaw dangj. Gak gaep dangj cujciz youq mwh yaek gietdingh roxnaeuz baecinj haicawz gij dangjciz boux dangjyenz, wngdang cienzmienh yenzgiu gij caizliu caeuq yigen mizgven, daidu aeu cibfaen nyinhcaen siujsim.

  Daih 40 diuz Doiq dangjyenz guh gijliz cujfwnh, bietdingh aeu ginggvaq cihbu daihhoih yaenglwnh gietdingh, bauq hawj aen dangj gihcwngz veijyenzvei baecinj; danghnaeuz gij vwndiz nangq daengz haenx haemq youqgaenj roxnaeuz fukcab, roxnaeuz yaek doiq dangjyenz guh gij cujfwnh haicawz dangjciz, wnggai faenbied mbouj doengz cingzgvang, bauq hawj yienh gaep roxnaeuz yienh gaep doxhwnj aen dangj gijliz genjcaz veijyenzvei saemjcaz baecinj. Youq mwh cingzgvang daegbied, yienh gaep caeuq yienh gaep doxhwnj gak gaep aen dangj veijyenzvei caeuq gijliz genjcaz veijyenzvei miz gienz cigciep gietdingh doiq dangjyenz guh gijliz cujfwnh.

  Doiq doengh boux veijyenz、 houbuj veijyenz aen dangj cunghyangh veijyenzvei caeuq deihfueng gak gaep veijyenzvei, yaek guh gij cujfwnh siu cizvu ndaw dangj bae、 louz dangj cazyawj roxnaeuz haicawz dangjciz, bietdingh aeu youz aen veijyenzvei bonjvunz de soj youq haenx daengxcungq veiyi aeu aen daihsoq sam faenh cih ngeih doxhwnj bae gietdingh. Youq mwh cingzgvang daegbied, gojyij sien youz cunghyangh cwngcigiz caeuq deihfueng gak gaep veijyenzvei cangzvu veijyenzvei guh ok cawqleix gietdingh, daengz mwh ciuhai veijyenzvei daengxcungq veiyi menhcij bouj nyinhdingh. Yaek doiq doengh boux veijyenz caeuq houbuj veijyenz deihfueng gak gaep veijyenzvei guh gij cujfwnh gwnzneix gangj, bietdingh aeu ginggvaq gaep aen dangj veijyenzvei baihgwnz baecinj.

  Doengh boux cunghyangh veijyenzvei veijyenz、 houbuj veijyenz famh hingzsaeh faplwd youqgaenj haenx, youz cunghyangh cwngcigiz gietdingh haicawz gij dangjciz de; deihfueng gak gaep veijyenzvei doengh boux veijyenz、 houbuj veijyenz famh hingzsaeh faplwd youqgaenj haenx, youz doengz gaep veijyenzvei cangzvu veijyenzvei gietdingh haicawz gij dangjciz de.

  Daih 41 diuz Dangj cujciz yaek doiq dangjyenz guh ok cujfwnh gietdingh, wngdang dawz saehsaed caz cingcuj, mbouj ndaej gag siengj couh gag nyinhdingh. Gij saehsaed caizliu cujfwnh gietdingh soj baengzgawq haenx caeuq mbaw saw cujfwnh gietdingh, bietdingh aeu hawj bonjvunz yawj gvaq, dingq bonjvunz gangjmingz cingzgvang caeuq bienqbuek. Danghnaeuz bonjvunz doiq cujfwnh gietdingh mbouj fug, gojyij daezok sinhsu, mizgven dangj cujciz bietdingh aeu fucwz cawqleix roxnaeuz vaiq di cienj soengq, mbouj ndaej gaeuat. Doiq doengh boux caen dwg genhciz gij yigen loengloek caeuq gij iugouz mbouj miz dauhleix haenx, aeu doiq de guh baebingz gyauyuz.

  Daih 42 diuz Dangj cujciz danghnaeuz youq henhoh gij gijliz aen dangj fuengmienh mbouj caenh cizcwz, bietdingh aeu deng cazdawz.

  Doiq doengh aen dangj cujciz famh gij gijliz aen dangj youqgaenj、 bonjndang youh mbouj ndaej gag niujcingq haenx, gaep aen dangj veijyenzvei baihgwnz ginggvaq cazmingz haedsaed le, wngdang gaengawq cingzcez naek mbaeu cingzdoh, guh ok gietdingh gaijcuj roxnaeuz gaijsanq bae, caemhcaiq bauq hawj gaep aen dangj veijyenzvei caiq baihgwnz saemjcaz baecinj, cingqsik senhbu caephengz.

Cungjgangh
Daih 1 cieng dangjyenz
Daih 2 cieng gij cujciz cidu aen dangj
Daih 3 cieng gij cunghyangh cujciz aen dangj
Daih 4 cieng gij deihfueng cujciz aen dangj
Daih 5 cieng gij gihcwngz cujciz aen dangj
Daih 6 cieng gij ganbu aen dangj
Daih 7 cieng gij gijliz aen dangj
Daih 8 cieng gij gijliz genjcaz gihgvanh aen dangj
Daih 9 cieng dangjcuj
Daih 10 cieng gij gvanhaeh aen dangj caeuq gungcanjcujyi cinghnenzdonz
Daih 11 cieng aen veihcangh caeuq fan geiz aen dangj
Dozsiengq