Nda Guh YiebdaeuzYolouz RoengzdaeujAen Saenqsieng Bouxbien
YiebdaeuzYinzminzvangjSawmungzgujSawcangqcuzSawveizvuzwjSawhahsazgwzSawcauzsenhSawyizcuz

AEN CANGHCWNGZ CUNGGUEK GUNGCANJDANGJ Daih 6 cieng gij ganbu aen dangj

(Cungguek Gungcanjdangj Daih Cibcaet Baez Daengx Guek Daibyauj Daihhoih bouhfaenh coihgaij, 2007 nienz 10 nyied 21 hauh doenggvaq)

  
【Cihsaw Hung’iq : hung rauh iq】  Dajyaenq
      
  
Daih 6 Cieng Gij Ganbu Aen Dangj


  Daih 33 diuz Gij ganbu aen dangj dwg gyoengq vunz dingxdaeuz guh gij saehnieb aen dangj, dwg bouxhoiq banh goengsaeh hawj yinzminz. Aen dangj ciuq diuz yenzcwz daek caiz giem miz bae genjleh caeuq daezswng ganbu, genhciz boux maenhndei cij yungh, fanjdui boux caengaenh cij yungh, roengzrengz saedyienh ganbu duivuj gwzming’va、 nenzginghva、 cihsizva、 conhyezva.

  Dangj yawjnaek gyauyuz、 gungganq、 genjleh、 daezswng caeuq gaujhaed ganbu, daegbied dwg gungganq、 genjleh、 daezswng gij ganbu nienzoiq youh maenhndei haenx. Cizgiz doicaenh ganbu cidu gaijgwz.

  Dangj yawjnaek gungganq、 genjleh、 daezswng gij ganbu mehmbwk caeuq gij ganbu siujsoq minzcuz.

  Daih 34 diuz Aen dangj gak gaep lingjdauj ganbu bietdingh aeu mozfan bae hengz gak hangh dangjyenz yivu bonj canghcwngz daihsam diuz soj gvidingh haenx, caemhcaiq bietdingh aeu bwh miz gij gihbwnj diuzgienh lajneix:

  (1) Miz gij suijbingz Majgwzswh-Lezningzcujyi、 Mauz Cwzdungh Swhsiengj、 Dwng Siujbingz Lijlun youq mwh bae hengz cizcwz soj aeu yungh daengz haenx, nyinhcaen sizcen “Sam Aen Daibyauj” Cung’yau Swhsiengj, daiqdaeuz gvancez lozsiz gohyoz fazcanjgvanh, roengzrengz yungh gij laebciengz、 gvanhdenj、 fuengfap Majgwzswhcujyi bae faensik caeuq gaijgez saedsaeh vwndiz, genhciz gangj yozsiz、 gangj cwngci、 gangj cingqheiq, souh ndaej gvaq gak cungj gannanz yung’yiemj gaujniemh.

  (2) Miz gij lijsiengj hunggyae gungcanjcujyi caeuq gij saenqniemh giendingh guh yiengh seveicujyi miz daegsaek Cungguek, genhgez caephengz diuz gihbwnj lohsienq caeuq gak hangh fuengcim、 cwngcwz aen dangj, laeb ceiqheiq guh gaijgwz hailangh, vutndang hawj gij saehnieb yendaiva, youq ndaw seveicujyi gensez sinhoj cauhnieb, laeb gij cwngcizgvanh cingqdeng, guh ok gij cingzcik saedcaih souh ndaej gvaq sizcen、 yinzminz、 lizsij gienjniemh haenx.

  (3) Genhciz gaijfang swhsiengj, daj ndaw saedsaeh gouz aeu caenleix, caeuq seizdaih caez baenaj, haifwz cauhmoq, nyinhcaen diucaz yenzgiu, ndaej dawz gij fuengcim cwngcwz aen dangj caeuq gij saedsaeh cingzgvang bonj digih、 bonj bouhmonz dox giethab, gig miz cingzyauq bae guh gunghcoz, gangj vah lauxsaed, banh saeh saedcaih, gouz aeu yauqgoj saedcaih, fanjdui hingzsizcujyi.

  (4) Gig mizsim guh gwzming saehnieb caeuq roxnyinh rap cwngci cwzyin gig naek, miz sizcen gingniemh, miz gij cujciz naengzlig、 vwnzva suijbingz caeuq conhyez cihsiz rap ndaej hwnj lingjdauj gunghcoz haenx.

  (5) Cingqdeng hengzsawj gij gienzlig yinzminz gyauhawj haenx, ciuq faplwd banhsaeh, ndang cing fwngz seuq, vih beksingq gaenx banh goengsaeh, yungh hengzdoengh guh ok yienghndei, ganhoj giemhmbaet, maedcaed lienzhaeh ginzcung, genhciz diuz ginzcung lohsienq aen dangj, gagrox ciepsouh dangj caeuq ginzcung baebingz caeuq gamduk, gyagiengz daudwz siuhyangj, guhdaengz gag siujsim、 gag genjcaz、 gag singjgaeh、 gag coicaenh, fanjdui gvanhliuzcujyi, fanjdui sojmiz gij guhfap mbouj cingqdangq luenh yungh cizgenz、 maeuz aeu seileih haenx.

  (6) Genhciz caeuq henhoh gij minzcuj cizcungh cidu aen dangj, miz minzcuj cozfungh, miz daengxbuenz gvanhnen, rox comzgiet dungzci, baudaengz comzgiet doengh boux dungzci caeuq bonjfaenh yigen mbouj doxdoengz haenx itheij guh gunghcoz.

  Daih 35 diuz Dangjyenz ganbu aeu rox caeuq gyoengq ganbu rog dangj doxgap guh saeh, gingqcungh gyoengqde, hawsim hag gij ndei gij ak gyoengqde.

  Aen dangj gak gaep cujciz aeu rox yawjraen caeuq doigawj doengh boux ganbu rog dangj caencingq miz bonjsaeh haenx bae guh lingjdauj gunghcoz, baujcwng gyoengqde miz cizvu miz gienzlig, cungfaen fazveih gij cozyungh gyoengqde.

  Daih 36 diuz Aen dangj gak gaep lingjdauj ganbu, mboujlwnh dwg youz minzcuj senjgij okdaeuj, roxnaeuz dwg lingjdauj gihgvanh nyaemhmingh, gij cizvu gyoengqde cungj mbouj dwg ndaej dang baenz seiqvunz, cungj gojyij bienqdoengh roxnaeuz cawz bae.

  Gij ganbu nienzgeij caeuq ndangdaej canggvang mbouj hab laebdaeb guh gunghcoz haenx, wngdang ciuq guekgya gvidingh duiyouh、 lizyouh.

Cungjgangh
Daih 1 cieng dangjyenz
Daih 2 cieng gij cujciz cidu aen dangj
Daih 3 cieng gij cunghyangh cujciz aen dangj
Daih 4 cieng gij deihfueng cujciz aen dangj
Daih 5 cieng gij gihcwngz cujciz aen dangj
Daih 6 cieng gij ganbu aen dangj
Daih 7 cieng gij gijliz aen dangj
Daih 8 cieng gij gijliz genjcaz gihgvanh aen dangj
Daih 9 cieng dangjcuj
Daih 10 cieng gij gvanhaeh aen dangj caeuq gungcanjcujyi cinghnenzdonz
Daih 11 cieng aen veihcangh caeuq fan geiz aen dangj
Dozsiengq